ძაღლი აღარ ჭამს მშრალ საკვებს. როგორ მოვიქცეთ?

ძირითადი მიზეზები

მნიშვნელოვანია დადგინდეს მიზეზი, რის გამოც შინაურმა ცხოველმა შეწყვიტა ჩვეულებრივი საკვების ჭამა. პირველი, რასაც ყურადღება უნდა მიაქციოთ, არის ძაღლის მდგომარეობა. ის შესაძლოა დაავადებული იყოს, რაც შეიძლება გამოვლინდეს უენერგიობით, ბეწვის ცვენით, ცხელებით და სხვა ნიშნებით. შესაძლებელია პრობლემები ჰქონდეს პირის ღრუში და ცხოველს მშრალი საკვების გრანულების ღეჭვისას აწუხებდეს ტკივილი. ავადმყოფობის ოდნავი ეჭვის შემთხვევაშიც კი, თქვენ უნდა დაუკავშირდეთ თქვენს ვეტერინარს. თუ ძაღლი ჯანმრთელია, მაგრამ მაინც უარს ამბობს საკვებზე, მაშინ პატრონმა უნდა შეამოწმოს არის თუ არა წყალი მის თასში სუფთა . ზოგჯერ ხდება ისე, რომ ცხოველი არ ჭამს მშრალ საკვებს, რადგან მას არ შეუძლია საკმარისი სითხის მიღება. კიდევ ერთი მიზეზი არის საკვების ვადა. პატრონმა უნდა შეამოწმოს, ხომ არ გაუვიდა საკვებს ვარგისიანობის ვადა, აქვს თუ არა გრანულებს შესაფერისი სუნი. მიუხედავად იმისა, რომ მშრალი რაციონი არ საჭიროებს შენახვის ძალიან მკაცრ პირობებს, საკვები შეიძლება შემთხვევით გაფუჭდეს. მაგალითად, თუ მას ბატარეასთან ახლოს ინახავთ, საკვები გაშრება და ძალიან გამკვრივდება, ხოლო თუ ნესტიან ოთახში ინახება, დაობება ემუქრება.

რაციონის შეცვლა

ძაღლები, როგორც წესი, არ არიან განსაკუთრებულად პრეტენზიულები საკვებში და მზად არიან დიდი ხნის განმავლობაში მიირთვან ერთი და იგივე საკვები. და ასეთი ერთფეროვნება, ცხოველებისთვის, სულაც არ არის დამთრგუნველი. თუმცა, ყოველთვის არის მცირე შანსი იმისა, რომ შინაურ ცხოველს რაღაც ახირება ჰქონდეს. ამ შემთხვევაში შეგიძლიათ სცადოთ საკვების გემოს შეცვლა ან სხვა ბრენდის რაციონზე გადასვლა მაგალითად Chappi ბრენდის ნაცვლად, შეგიძლიათ თქვენს ძაღლს გაასინჯოთ Pedigree, Cesar, Perfect Fit, Nature’s Table, Pro Plane, Royal Canin და ა.შ. მშრალი რაციონები ხელმისაწვდომია მრავალი ბრენდის სახით და თქვენს ცხოველს აუცილებლად ექნება არჩევის შესაძლებლობა. თუმცა, პატრონმა ახალ საკვებზე გადასვლის მარტივი წესები უნდა დაიცვას: ეს უნდა გაკეთდეს ეტაპობრივად, 5 დღის განმავლობაში, რამდენიმე ახალი გრანულების შერევა ძველ საკვებთან, შემდეგ უფრო და უფრო მეტი პროპორციით.