რატომ არ შეიძლება ძაღლებისთვის ტკბილეული?

მრავალი მიზეზი

ტკბილეული კატეგორიულად აკრძალულია ძაღლებისთვის, მრავალი მიზეზის გამო – დიეტურიდან აღმზრდელობითამდე. პირველ რიგში, ასეთი პროდუქტები მასაზრდოებელი გარემოა, პირის ღრუში მიკროორგანიზმების განვითარებისათვის. ძაღლისთვის ეს სერიოზული რისკ-ფაქტორია, რადგან მისი კბილების მინანქარი ადამიანისაზე 5-ჯერ უფრო თხელია. ხოლო შინაური ცხოველის პირის ღრუში მიკროფლორის ზრდამ შეიძლება, გამოიწვიოს პაროდონტიტი და სხვა სტომატოლოგიური დაავადებები. მეორეც, ტკბილეული მაღალკალორიულია და ცხოველი, რომელიც მათ რეგულარულად იღებს, ჭარბად იმატებს წონაში. ცნობილია, რომ სიმსუქნისადმი მიდრეკილება განსაკუთრებით დიდია პატარა ჯიშის ძაღლებსა და ხანდაზმულ ცხოველებში, მაგრამ ყველა შინაური ცხოველი, განურჩევლად ჯიშისა და ასაკისა, დაცული უნდა იყოს ტკბილეულისგან. მესამე, ხშირად ტკბილეულის მიცემა, ცხოველს უვითარებს მათხოვრობისკენ მიდრეკილებას და ეს არის ერთ-ერთი ყველაზე გავრცელებული აღზრდის პრობლემა, რომელიც უამრავ უხერხულობას უქმნის ძაღლის პატრონს. არასასურველი ჩვევისგან გადაჩვევა ბევრად უფრო რთულია, ვიდრე თავიდანვე მისი გაჩენის თავიდან აცილება.

სწორი „გემრიელი საჭმელი“

ზოგიერთი ტკბილი კერძი პირდაპირ საფრთხეს უქმნის ცხოველის ჯანმრთელობასა და სიცოცხლეს. მაგრამ რა მოხდება, თუ პატრონს მოუნდება შინაური ცხოველის განებივრება? ამისთვის ბევრად შესაფერისი პროდუქტები არსებობს, ვიდრე ტკბილეული სუფრიდან. ექსპერტები გირჩევენ, თქვენს ძაღლს განსაკუთრებული ტკბილელული აჭამოთ. მაგალითად: „Pedigree Rodeo Meatballs“ და „Pedigree Markies“-ის ნამცხვრებს, კერძებს „TiTBiT“, „Organix“, ‘B&B Allegro“, „Dr. Alder“, “ზოოგურმანი” და სხვა ბრენდები. განსაკუთრებულ ყურადღებას იმსახურებს ძაღლების “გემრიელობა“, რომელიც არა მხოლოდ ახარებს ცხოველს, არამედ პირის ღრუს კარგ პროფილაქტიკას უტარებს. კერძოდ, „Pedigree DentaStix“ ჩხირები, რომლებიც ასუფთავებენ კბილებს და ხელს უშლიან მათზე ნადების წარმოქმნას. როგორც ხედავთ, ძაღლის გახარება ძალიან ადვილია. და ამისთვის ადამიანის საკვები საერთოდ არ არის საჭირო.