არგენტული დოგი

არგენტული დოგი დიდი თეთრი ძაღლია. გამოირჩევა გამბედაობითა და გამძლეობით. ძალიან ერთგულია პატრონის მიმართ. • წარმოშობის ქვეყანა: არგენტინა • ზომა: დიდი • სიმაღლე: 60-68 სმ • წონა: 40-45 კგ • ასაკი: 10-15 წელი • FCI ჯიშის ჯგუფი: პინჩერები და შნაუცერები, მოლოსები, მთის ძაღლები და შვეიცარიული პირუტყვის მადევარი ძაღლები   პლუსები • ძლიერი და ამტანი; • შესანიშნავი დარაჯები; • მხიარული და მოძრავი; • მოკლე ბეწვი აქვს, არ საჭიროებს ხშირ მოვლას.   მინუსები • საჭიროებენ ადრეულ სოციალიზაციას; • დომინირებისკენ მიდრეკილება; • ესაჭიროებათ ხშირი ფიზიკური დატვირთვა და სეირნობა.   ძირითადი ფაქტები არგენტინული დოგების შესახებ • ეს დოგები ერთადერთი ჯიშია, რომელიც გამოყვანილია არგენტინაში. ქვეყნის მოსახლეობა მას თავის ეროვნულ საგანძურად მიიჩნევს. სხვა სახელია დოგო არგენტინო და არგენტინული მასტიფი. • სამშობლოში, ცხელი კლიმატის ქვეყანაში, ასეთი ძაღლები ყველაზე ხშირად ცხოვრობენ ქუჩაში და და სახლებს იცავენ. • ჯიში უნივერსალურია: ძირითადად გამოიყენება დიდ ნადირზე სანადიროდ, ოჯახის ძაღლებად ან დარაჯებად. • არგენტინული დოგის ბეწვს საინტერესო თავისებურება აქვს: მას შეუძლია „ადაპტირება“ იმ ქვეყნის კლიმატურ პირობებთან, რომელშიც ძაღლი ცხოვრობს. თუ კლიმატი ცხელია, მაშინ ის უფრო იშვიათი ექნება, თუ ცივი – სქელი და ქვედასაფარიანი. • დოგო არგენტინო რამდენიმე ქვეყანაში აკრძალულია. მაგალითად, ავსტრალიაში, ახალ ზელანდიასა და პორტუგალიაში. • ითვლება, რომ ამ ძაღლს ხასიათი დაახლოებით სამი წლის განმავლობაში უყალიბდება. • არგენტინაში დოგებს ხშირად იყენებენ უსინათლოთა თანმხლებებად, რადგან ისინი კვალს ძალიან კარგად მიყვებიან. • ცხელ ამინდში დოგო არგენტინო დიდხანს არ უნდა დარჩეს მცხუნვარე მზეზე. შეიძლება მზის დარტყმა მიიღოს.   არგენტინული დოგის აღწერა არგენტინული მასტიფი პროპორციულად არის აგებული. შესანიშნავად განვითარებული კუნთები კანის ქვეშიდანაც კი მოუჩანს. ძაღლს ჩვეულებრივი დოგის ტიპის ტანი უნდა ჰქონდეს. ფერი, სტანდარტის მიხედვით, დასაშვებია მხოლოდ თეთრი. ბეწვი მოკლე და გლუვია. სასურველია, რომ არგენტუნული დოგი იყოს მაღალი და დიდი. ეს ეხება როგორც ხვადებს, ასევე ძუებს. თუმცა, გიგანტიზმისკენ მიდრეკილება მნიშვნელოვანი ხინჯია.   არგენტინული დოგის ხასიათი მას შემდეგ, რაც დოგო არგენტინოს ძველ დროში მებრძოლ ძაღლად გამოიყენებოდნენ, მთელ მსოფლიოში გავრცელდა ლეგენდები და მითები მათი სისასტიკისა და სიავის შესახებ. სინამდვილეში, ეს ასე არაა. ამჟამად არგენტინულ დოგებს მებრძოლებებად და მონადირეებად აღარ გამოიყენებენ. ისინი ახლა სულ უფრო და უფრო ხშირად ხდებიან ოჯახი ძაღლები. ისინი ძალიან ერთგულები არიან თავიანთი პატრონისა და მთელი ოჯახის მიმართ, რომელშიც ცხოვრობენ. უყვართ მოფერება და ჩახუტება. მათთვის ადამიანთან ტაქტილური კონტაქტი უაღრესად მნიშვნელოვანია. კარგად აღზრდილი ძაღლი ალერსიანი და მშვიდია. ის არასოდეს ეცემა უცნობს, თუ მასში რეალურ საფრთხეს არ დაინახავს. დამცველის ინსტინქტი არგენტინულ დოგს ძალიან კარგად აქვს განვითარებული. ის მზადაა ბოლომდე დაიცვას თავისი ოჯახის ყველა წევრი. ძაღლი მომთმენია ბავშვებთან. სიამოვნებით დაუჭერს მხარს ნებისმიერ აქტიურ თამაშს. თუმცა არ არის რეკომენდებული ასეთი დიდი ცხოველის ბავშვებთან უყურადღებოდ დატოვება. აუცილებელია ბავშვს აუხსნათ, როგორ მოიქცეს სწორად ძაღლთან: არ შეიძლება მისიგანზრახ ცემა, კუდის მოქაჩვა, ძილის დროს გაღვიძება, ჯამის წართმევა. ვინაიდან არგენტინულ დოგს დომინირებისკენ აქვს მიდრეკილება, არასასურველია მათთან ერთად სახლში სხვა შინაური ცხოველების ყოლა. ძაღლი ნებისმიერ პატარა ცოცხალ არსებას ნადავლად ჩათვლის და დვნას დაუწყებს. არგენტინელები ასევე ნაკლებად სავარაუდოა, რომ შეეგუონ სხვა ძაღლებს, მით უმეტეს, თუ ეს მისი სქესის შინაური ცხოველი იქნება. სასეირნო მოედნებზე უყურადღებოდ არ უნდა დატოვოთ, რადგან სხვა ძაღლებთან კონფლიქტის ალბათობა საკმაოდ მაღალია. არგენტინული დოგისთვის ადრეული სოციალიზაცია აუცილებელია, წინააღმდეგ შემთხვევაში, ისინი სხვა ძაღლებისა და ადამიანების მიმართ მტრულად განეწყობიან და აგრესიულები გახდებიან. ძალიან აქტიური და მოძრავები არიან. ისინი სიამოვნებით გაჰყვებიან პატრონს სირბილის, ველოსიპედის ტარების დროს. უყვართ ბუნებაში სხვადასხვა ტიპის გასეირნება. ისინი ამტანები არიან, ამიტომ პატრონთან ერთად მთიან და ტყიან ადგილებში შეუძლიათ სიარული. არგენტინულ დოგებს უყვართ თამაში. მათი უმეტესობა სიბერემდე აქტიური და მოძრავი რჩება. ფიზიკური აქტივობა მათთვის ძალიან მნიშვნელოვანია. ძაღლმა, რომელიც დაგროვილ ენერგიას, არ დახარჯავს, შესაძლოა დაიწყოს ბინის ან სახლის განადგურება. არგენტინული დოგები იშვიათად ყეფენ. ძირითადად, ხმას იღებენ, როცა ცდილობენ პატრონს საფრთხის შესახებ ამცნონ. ისინი განსაკუთრებით ფხიზლად არიან ღამით. ძაღლისთვის ასევე აუცილებელია გონებრივი სტიმულაცია. მასთან ერთად თამაშობენ სხვადასხვა ინტელექტუალურ თამაშებს. მაგალითად, დამალული ნივთის პოვნას, საკვების თავსატეხები და ა.შ. არგენტინული დოგის მონადირულმა ინსტინქტმა შეიძლება გამოიწვიოს გაზრდილი ინტერესი სხვადასხვა ახალი სუნის მიმართ გასეირნების დროს. ამიტომ სასურველია მასთან ერთად შემოღობილ ადგილებში ისეირნოთ. საზოგადოებრივი თავშეყრის ადგილებში ძაღლს საბელით და ალიკაპით ასეირნებენ.