ვიკიპედიის მიხედვით, ნდობა არის ადამიანების ოჯახის გარეთ გაერთიანების შესაძლებლობა, სახელმწიფოს დახმარების გარეშე. ეს არის უზარმაზარი ძალა, რომელსაც შეუძლია დააკავშიროს ორი ცოცხალი არსება (ჩვენს შემთხვევაში, ადამიანი ძაღლთან) და აიძულოს ისინი, ერთად გაიარონ ბედისწერის ყველა სირთულე. ჩვენ ვიცით, რომ ურთიერთობაში ნდობა უნდა დაიმსახუროთ, თუმცა, ერთხელ დარღვევის შემდეგ, მისი დაბრუნება არც ისე ადვილია.
ნდობა ორმხრივი გზაა. ის შეიძლება ჩაითვალოს ხიდად: თუ საძირკველი გაუმართავია, არავის მოუნდება მასზე გავლა. ძაღლების შემთხვევაში, არსებობს მრავალი მიზეზი, რამაც შეიძლება ხელი შეუწყოს ნდობის გაქრობას და ამერიკელმა ძაღლების სელექციონერებმა: ტეილორ ბარკონიმ და ჯიო ალკაიდმა დეტალურად აღწერეს ეს მიზეზები. იმისათვის, რომ გაიგოთ, რა ურთიერთობა გაქვთ თქვენს შინაურ ცხოველთან, შეეცადეთ უპასუხოთ 6 მარტივ კითხვას:
⦁ ხშირად აიძულებთ თქვენს ძაღლს გააკეთოს ის, რაც მას არ სურს?⦁ ეს არის ერთ-ერთი ყველაზე მნიშვნელოვანი ასპექტი, რომელმაც შეიძლება მნიშვნელოვნად დააზიანოს ურთიერთობა შინაურ ცხოველსა და მის პატრონს შორის. მაგალითად, თუ თქვენს ოთხფეხა მეგობარს უბრალოდ სძულს, როცა ფრჩხილებს აჭრით, მაგრამ თქვენ ამას აგრძელებთ, მისი გრძნობების მიუხედავად, ცხოველმა შეიძლება გამოხატოს წყენა, კბენით ან თქვენგან დაშორების მცდელობით.
⦁ ართმევთ მას საყვარელ ნივთებს?⦁ ძვლები ან სათამაშოები, რომლებიც თქვენს შინაურ ცხოველს უყვარს, არ უნდა გამოიყენოთ, როგორც ბერკეტი ძაღლის საკონტროლოდ. თუ თქვენს კომპანიონს უყვარს ეს ნივთები, მათი აღების მცდელობა მხოლოდ მიგვიყვანს იქამდე, რომ ცხოველს მეტად მოინდომებს მათ დაცვას.
⦁ გესმით თქვენი შინაური ცხოველის სხეულის ენა?⦁ თუ თქვენს ძაღლს იმ მომენტში არ სურს ხელში აყვანა, ნუ დააჩქარებთ მოვლენებს. თქვენ უნდა გესმოდეთ, რის გადმოცემას ცდილობს თქვენი შინაური ცხოველი თავისი სხეულის ენით, წინააღმდეგ შემთხვევაში თქვენ შეგიძლიათ ნდობის დაკარგვა.
⦁ ხართ თუ არა თქვენი ძაღლის დამცველი ?⦁ თქვენს შინაურ ცხოველს დახმარება სჭირდება სამყაროში ორიენტაციისთვის. თქვენ, როგორც პატრონი, ვალდებული ხართ მას დაეხმაროთ, როცა დასჭირდება. თუ ნებას რთავთ, სხვა ადამიანებს რომ შეეხონ შენს ოთხფეხა მეგობარს, როცა მას ეს აშკარად არ მოსწონს, ან თუ აიძულებთ მას ეურთიერთოს სხვა ძაღლებს, ეს შეიძლება არ იყოს თქვენი მეგობრის სურვილი.
⦁ ყურადღებას აქცევთ თქვენი ცხოველის საჭიროებებს, სურვილებსა და გენეტიკურ მიდრეკილებებს?⦁ აქამდე არსებობდა მითი, რომ ყველა ძაღლი ერთნაირია. ეს ასე არ არის – თითოეული ჯიში განსხვავებულია, თითოეულ შინაურ ცხოველს აქვს საკუთარი უნიკალური საჭიროებები. უცოდინრობა ნამდვილად სიბნელეა, როდესაც საქმე ეხება შინაური ცხოველის აღზრდას. გარკვეული ჯიშის ძაღლის არჩევისას, უნდა იცოდეთ, რა ქცევითი თვისებები აქვს თქვენს შინაურ ცხოველს.
⦁ ზედმეტად მკაცრი ხართ თქვენს მეგობართან?⦁ ბარკონის თქმით, მუდმივმა ყვირილმა და თუნდაც მსუბუქმა დარტყმამ შეიძლება სამუდამოდ გაანადგუროს თქვენი ძაღლის ნდობა. იდეალური სასწავლო პროგრამის საფუძველი, მისი აზრით, პოზიტიური განმტკიცების ტექნიკაა. ეს არის განათლების მეთოდი, რომლის დროსაც პატრონი ცხოველს, სწორად მოქცევის გამო აჯილდოებს, აძლიერებს პოზიტიურ რეაქციას გარკვეულ მოვლენებზე.
თუ ამ კითხვებზე პასუხის გაცემის შემდეგ მიხვდებით, რომ ზოგიერთ ასპექტში შეგიძლიათ შეარყიოთ თქვენი შინაური ცხოველის ნდობა, არასდროს არის გვიან შეცვალოთ თქვენი ჩვეული ცხოვრების წესი. საბედნიეროდ, ჩვენი შინაური ცხოველები ცნობილები არიან დიდი სიყვარულითა და მადლიერებით, თავიანთი უფროსი მეგობრების მიმართ. ამიტომ გირჩევთ, რომ ახლავე ჩაეხუტოთ თქვენს ძაღლს და მოაგვაროთ ნებისმიერი პრობლემა, რომელიც შესაძლოა, მას უქმნიდეს დისკომფორტს.
Leave your comment