როგორ მოვუაროთ კატას?

როგორ მოვუაროთ კატას?

კატა სუფთა და მოწესრიგებული ცხოველია, რომელიც თავს მუდმივად უვლის, თუმცა აუცილებელია შინაური ცხოველის აღზრდა და დაბადებიდან მისი სათანადოდ მოვლა. თქვენ უნდა მიაჩვიოთ კატას ტუალეტს, ასწავლოთ თამაში და ჩაუნერგოთ, რომ კბენა არ შეიძლება. საჭიროების შემთხვევაში, დროულად გაუკეთოთ ოპერაცია, რომელიც საჭიროებს მომზადებას და შემდგომ მოვლას. მთელი სიცოცხლის განმავლობაში აუცილებელია კატის ჯანმრთელობის მდგომარეობას მუდმივად დააკვირდეთ.

ჭურჭელი

სახლის ახალ ბინადარს დაუყოვნებლივ დასჭირდება საკუთარი ჭურჭელი: უმჯობესია, ჯამები იყოს უჟანგავი ფოლადის ან მაღალი ხარისხის პლასტმასის, რომელიც ცხოველს საკვებთან შეხებისას ზიანს არ მიაყენებს. ჭურჭელი უნდა იყოს მყარი და ჰქონდეს მომრგვალებული კიდეები, კატამ პირი რომ არ გაიჭრას. შინაურ ცხოველს უნდა ჰქონდეს სამი ჯამი – მშრალი და თხევადი საკვებისთვის და წყლისთვის. ისინი უნდა გაირეცხოს ადამიანის ჭურჭლისგან განცალკევებით და რეგულარულად. ჭურჭელი ყოველი ჭამის დროს სუფთა უნდა იყოს.

კვება

ნებისმიერმა საკვებმა შეიძლება გამოიწვიოს ალერგია, ამიტომ ის ფრთხილად, ექიმთან კონსულტაციის შემდეგ უნდა შეარჩიოთ. კვება უნდა შეირჩეს შინაური ცხოველის ასაკისა და გარკვეული ვიტამინებისა და საკვები ნივთიერებების საჭიროების შესაბამისად. ქავილის, ბეწვის ცვენის ოდნავი გამოვლენის შემთხვევაშიც კი, კატა ვეტერინარს უნდა აჩვენოთ, რათა გართულებები თავიდან აიცილოთ. გახსოვდეთ, რომ კატის სწორი კვება არის მშრალი და თხევადი რაციონების კომბინაცია.

ტუალეტი

ტუალეტი უნდა იყოს საკმაოდ ტევადი, შინაური ცხოველი მასში რომ არ გაიჭედოს და შემავსებელი იატაკზე არ მიმოფანტოს. ტუალეტისთვის ადგილი წინასწარ უნდა შეირჩეს: სასურველია, ცნობისმოყვარე მზერებისგან მოშორებით დადგათ. კარგი იქნება, თუ ტუალეტს ყოველი გამოყენების შემდეგ გაწმენდთ.

დასაძინებელი ადგილი

დღე-ღამის უმეტეს ნაწილს კატა ძილში ატარებს, ამიტომ მისი დასაძინებელი ადგილი კომფორტული უნდა იყოს. როგორც წესი, კატებს ურჩევნიათ შემაღლებული ადგილები, საიდანაც ოჯახის დანარჩენ წევრებს უსაფრთხოდ ადევნებენ თვალს. თუ შესაძლებლობა გაქვთ, უყიდეთ სპეციალური კატის სახლი ან თავად გააკეთოთ იგი. მთავარია, რბილი და კომფორტული დასაწოლი ადგილი ჰქონდეს.

ბრჭყალების მოვლა

შინაური ცხოველის ჯანმრთელობის შესანარჩუნებლად და ავეჯის დასაცავად პატრონი კატის ბრჭყალებს სათანადო ყურადღებას უნდა უთმობდეს: დროულად დააჭრას, ისე, რომ ცხოველმა ისინი რბილ ავეჯს არ ჩაასოს და დააზიანოს. თუმცა, ბრჭყალების ალესვა კატისთვის აუცილებლობაა, ამიტომ მას სჭირდება საკაწრი, რომლითაც ამ საჭიროებას დაიკმაყოფილებს. შინაური ცხოველის ამ მოწყობილობაზე რომ მისაჩვევად სპეციალური სატყუარა ხელსაწყოები შეგიძლიათ გამოიყენოთ, ისინი ცხოველს იზიდავენ.

სათამაშოები

კნუტის ზრდისა და განვითარებისთვის მოვლა და კვება საკმარისი არ არის, მას აქტიურობაც სჭირდება, ამიტომ შინაურ ცხოველს სათამაშოები აუცილებლად უნდა უყიდოთ. ბეწვიანი თაგვები, სხვადასხვა ბურთები, მიმზიდველი და შრიალი ქაღალდი თოკზე – ნებისმიერი ასეთი სათამაშო სიხარული იქნება არა მხოლოდ კნუტისთვის, არამედ ზრდასრული კატისთვისაც. ამასთან, კნუტი ხელებთან თამაშს არ უნდა მიაჩვიოთ, თორემ, როცა წამოიზრდება, შეიძლება აგრესია გამოავლინოს და იკბინებოდეს.

სტერილიზაცია

შინაური ცხოველი სახლში გასამრავლებლად არ გყავთ, არამედ, უბრალოდ, თქვენთვის მოიყვანეთ, არც ის უნდა აწამოთ და არც საკუთარი თავი. ვეტერინარები ჩვეულებრივ გვირჩევენ კატის სტერილიზაციას და კასტრაციას. ამის რამდენიმე მიზეზი არსებობს: ცხოველი უფრო მშვიდი გახდება, სქესობრივი აქტივობის პერიოდებში არ იყვირებს; გარეთ გასვლის ლტოლვა არ ექნება და, შესაბამისად, თავიდან აიცილებს მრავალი საშიში დაავადებით დაინფიცირებას.
Leave your comment
Comment
Name
Email
error: Content is protected !!