კნუტების მოვლა დედა კატის გარეშე
კვება
რა თქმა უნდა, იდეალური ვარიანტია მეძუძური კატის პოვნა. შეგიძლიათ მიმართოთ მეგობრებს და ნაცნობებს ან დახმარება ვეტერინარულ კლინიკას ან მომშენებელს სთხოვოთ. თუ დედა კატას ვერ იპოვით, ჰკითხეთ რჩევა ექიმს სპეციალური ნარევის შეძენაზე, როგორიცაა Royal Canin’s Babycat რძე. კნუტების კვება მხოლოდ სპეციალიზებული დედა კატის რძის შემცვლელით შეგიძლიათ ! არავითარ შემთხვევაში არ უნდა კვებოთ ისინი ძროხის რძით: მისი შემადგენლობა არ აკმაყოფილებს კნუტის საჭიროებებს.სიცოცხლის პირველ თვეს კნუტებმა უნდა მიირთვან დაახლოებით შვიდჯერ დღეში, ყოველ 2-3,5 საათში ერთხელ და მნიშვნელოვანია, რომ არ გადაუხვიოთ განრიგს არც დღისით და არც ღამით. ეს ბუნებრივი რეჟიმია ახალშობილებისთვის, დედის რძით ისინი სწორედ ასეთი სიხშირით იკვებებიან.
ფრთხილად იყავით კვების დროს: ნუ აჭმევთ კნუტებს ბავშვებივით ზურგზე დაწოლილებს. დასაშვებია მხოლოდ ჰორიზონტალური პოზიცია, რომელშიც კნუტი მუცელზე წევს.
მოსაქმება
ახალშობილი კნუტები ვერ აკონტროლებენ დეფეკაციის და შარდვის აქტებს, ამ პროცესებზე პასუხისმგებელია დედა კატა. ის კნუტის მუცელს ლოკავს, რითაც იწვევს კუჭის დაცლას აპროვოცირებს. რა ქნას პატრონმა?
დაგჭირდებათ თბილი წყლით ან ზეთით დასველებული პირსახოცი ან ბამბის დისკი. ერთი წუთის განმავლობაში კვების შემდეგ დაუყოვნებლივ, საჭიროა კნუტის კუჭისა და ფეხებშორის ადგილის მასაჟი. საშუალოდ, კნუტი დღეში 2-3-ჯერ ისაქმებს.
მოვლა
ახალშობილი კნუტები ვერ არეგულირებენ სხეულის ტემპერატურას, რაც იმას ნიშნავს, რომ განსაკუთრებული ყურადღება უნდა მიექცეს მათ გარშემო არსებულ სივრცეს. მათთან ერთად ყუთში შეგიძლიათ მოათავსოთ სათბური ან პირსახოცში გახვეული თბილი (არა ცხელი!) წყლის ბოთლი. ის კნუტებს გაათბობს. როგორც კი წყალი გაცივდება, ის უნდა შეიცვალოს. იზრუნეთ, რომ ახალშობილი კნუტები არ გაცივდნენ და არ გადახურდნენ: ისინი არ უნდა დატოვოთ მზის პირდაპირ შუქზე, გრილ ადგილას და ორპირში. ორი-სამი კვირის შემდეგ, კარგი იქნება ოთახის ტემპერატურას მიაჩვიოთ, თანდათან შეამციროთ ბოთლში წყლის ტემპერატურა და შემდეგ საერთოდ ამოიღეთ ყუთიდან.თუ კნუტებს რწყილები ჰყავთ, დაიჭირეთ პარაზიტები ხელით. არავითარ შემთხვევაში არ გამოიყენოთ რწყილის წვეთები ან სხვა სამკურნალო საშუალებები: მათი უმეტესობა ორი თვის და უფროსი ასაკის ცხოველებისთვის არის განკუთვნილი.
1 თვის შემდეგ
1 თვის კნუტის მოვლა დედა კატის გარეშე ასევე მოითხოვს სპეციალურ რაციონს და სიფრთხილეს. სწორედ ამ დროს უნერგავს კატა კნუტებს სისუფთავეს, ასწავლის მათ თავის გამოლოკვას და ტუალეტში სიარულს.
Leave your comment