ვიტამინები ორსული ძაღლებისთვის

ესტრუსის დაწყებიდან პირველი 4 კვირის განმავლობაში რაციონი არ უნდა განსხვავდებოდეს ჩვეულებრივისგან, არც მოცულობით და არც ხარისხით. მე-5-6 კვირიდან იწყება რაციონის მოცულობის მატება 20-25%-ით, ხოლო 8-9 კვირიდან მდედრები 50%-ით მეტ საკვებს იღებენ, ვიდრე შეჯვარებამდე. ლაქტაციის მე-2 და მე-3 კვირას ძაღლის ორგანიზმი განიცდის უდიდეს სტრესს, ამ მომენტში ენერგეტიკული მოთხოვნილება თითქმის 2-ჯერ იზრდება, სექსუალური მოსვენების სტადიასთან შედარებით. ორსულობის ბოლო პერიოდში ნაყოფი ზეწოლას ახდენს დედის კუჭზე, ამცირებს მის ტევადობას. ამიტომ, ბოლო 2-3 კვირაში მიზანშეწონილია ძაღლის კვება უფრო ხშირად, მაგრამ ჩვეულებრივზე მცირე ულუფებით. ორსულობის დროს და მის შემდეგ, გართულებების თავიდან აცილების მიზნით, სასურველია ძაღლების კვება მზა რაციონებით. ძაღლის რაციონი ცილებითა და მინერალებით მდიდარი უნდა იყოს. რეკომენდებულია საკვები, წარწერით “ლეკვებისთვის”.

დღესდღეობით გავრცელებულია მოსაზრება, რომ ლეკვებიან მდედრებისთვის ნაჩვენებია ვიტამინ-მინერალური დანამატები, რადგან მათი მოთხოვნილება იზრდება. თუმცა, ამ მოსაზრებას ვერ ვუწოდებთ ბოლომდე მართებულს. თუ ძაღლი მზა რაციონზეა, მაშინ დამატებით კვებას არ საჭიროებს. მიუხედავად ამისა, შეცდომა არ იქნება ორგანიზმის მზარდი მოთხოვნილებების შევსება B ვიტამინით (ვეტერინარული დანამატებით). ფოლიუმის მჟავას გამოყენება ზოგჯერ რეკომენდებულია ლეკვების თანდაყოლილი ანომალიებისა და დეფორმაციების წარმოქმნის თავიდან ასაცილებლად (მაგალითად, სასის ნაპრალი). თუმცა, ფოლიუმის მჟავა უნდა დაინიშნოს მხოლოდ ვეტერინარის მიერ.

პატრონების, რომლებსაც სურთ თავიანთი ძაღლების ეკლამფსიისგან დაცვა, ძირითადი შეცდომა არის კალციუმის პრეპარატების (მაგალითად, კალციუმის ციტრატის) დამოუკიდებლად დამატება ორსულის რაციონში. სამწუხაროდ, ამ სიტუაციაში ამას საპირისპირო ეფექტი აქვს: პარათირეოიდული ჰორმონის სინთეზის ინჰიბირება ხდება, რაც ზრდის ჰიპოკალციემიის, ეკლამფსიის რისკს. კალციუმის დანამატები უნდა გამოიყენოთ მხოლოდ თქვენი ვეტერინარის რჩევით.