გოლდენ რეტრივერი
მახასიათებლები
წარმოშობის ქვეყანა
დიდი ბრიტანეთი ზომა დიდი სიმაღლე 51-61 სმ წონა 27-40 კგ ასაკი 11-13 წელი
მოკლე ინფორმაცია • მშვიდი, ჭკვიანი და მოსიყვარულე; • მორჩილი და მომთმენი; • გამოიყენება ასისტენტად მრავალ სფეროში. გოლდენ რეტრივერები არ არიან მხოლოდ ძაღლები. ისინი პატრონების საუკეთესო მეგობრებად და ოჯახის სრულუფლებიან წევრებად იქცევიან. გარდა ამისა, ეს ჯიში გამოირჩევა ინტელექტისა და მიხვედრილობის მაღალი დონით, მისი წარმომადგენლები შეიძლება გახდნენ ნიჭიერი მონადირეები. გოლდენსი, როგორც მას ხალხიც უწოდებს, სიამოვნებით შეასრულებს პატრონის ყველა მითითებას და ბრძანებას. ჯილდოდ კი, შექება და სიყვარული ეყოფათ. გოლდენ რეტრივერების დადებითი და უარყოფითი მხარეები გოლდენ რეტრივერების პლუსები: • იდეალურია ბავშვიანი ოჯახებისთვის, რადგან ისინი პატარებს შესანიშნავად უგებენ. მტკიცედ გაუძლებენ მათ ხრიკებს, ხოლო, უფროს ბავშვებთან ერთად, აქტიურ თამაშებში სიამოვნებით ჩაერთებიან. • მიუხედავად მათი გახსნილობისა და სიკეთისა, ეს ძაღლები საკმაოდ თავშეკავებულები არიან. უმიზეზოდ არასდროს ყეფენ. • შესანიშნავად იწვრთნებიან, ადვილად იმახსოვრებენ ბრძანებებს. ეს განპირობებულია მათი განვითარებული ინტელექტით, რომლის წყალობითაც ოქროს რეტრივერები სტენლი კორენის მიხედვით ყველაზე ჭკვიანი ჯიშების სიაში მეოთხე ადგილზე არიან. • სუფთა ჯიშის ძაღლებიგან კარგი იდეალური კომპანიონები დგებიან ნადირობისთვის. მათ ნადავლი მოაქვთ და შეუძლიათ გზა ყველაზე დაბურულ ადგილებშიც კი გაივლიონ. • ამ ჯიშის გაწვრთნა და გამოყენება შესაძლებელია შეზღუდული შესაძლებლობის მქონე პირთათვის.
გოლდენ რეტრივერების ნაკლოვანებები: • საკმაოდ მოძრავები არიან, ამიტომ არ შეეფერიბიან სახლში ჯდომის მოყვარულ და მელანქოლიურ ადამიანებს. გოლდენს სჭირდება ხანგრძლივი და აქტიური სეირნობა სუფთა ჰაერზე. • წელიწადში რამდენჯერმე ბეწვი უხვად სცვივა, ამიტომ იმათ, ვინც სახლში და ტანსაცმელზე ბეწვს ვერ იტანს, უმჯობესია სხვა ჯიში შეარჩიონ. • სათანადო აღზრდისა და ავტორიტეტული პატრონის გარეშე ისინი შეიძლება უკონტროლონი გახდნენ. • უყვართ წყალი, მაგრამ გუბეს ტბისგან ყოველთვის როდი განასხვავებენ. წვიმიან ამინდში უყვართ ტალახში გორაობა. ამიტომ, ძაღლს ლეკვობიდანვე უნდა აეკრძალოს ამის გაკეთება და სეირნობისას ყურადღება უნდა მიაქციოთ.
ოქროს რეტრივერების აღწერა ისინი მიმზიდველი ექსტერიერის, ზომიერად დაკუნთული ძაღლები არიან. მაგრამ მათი პოპულარობა, არა მხოლოდ ხასიათის დადებითმა თვისებებმა და ლამაზმა გარეგნობამ განაპირობა. სწორედ ამ ჯიშის შინაური ცხოველები ჩნდებოდნენ ყველაზე ხშირად ამერიკულ ფილმებში. თითქმის ყველა მელოდრამასა თუ კომედიაში, სადაც მთავარი გმირების სახლში ძაღლი ცხოვრობდა, ეს იყო გოლდენ რეტრივერი. ამიტომ ეს ძაღლი ოჯახის კეთილდღეობის, სტაბილურობისა და ბედნიერების სიმბოლოდ იქცა.
გოლდენები, მიუხედავად იმისა, რომ მათთვის დამტკიცდა ერთი სტანდარტი, იყოფა სამ ტიპად. გოლდენ რეტრივერი შეიძლება იყოს: • ინგლისური; • კანადური; • ამერიკული. ინგლისური გოლდენ რეტრივერები დიდ ბრიტანეთში გაჩდნენ და გამოირჩევიან ფართო თავის ქალათა და ძლიერი თათებით. მათი ბეწვი უფრო ღიაა, თეთრთან მაქსიმალურად მიახლოებული. ამ ჯიშის ეს წარმომადგენლები, პოპულარულები არიან ევროპასა და რუსეთში. ამერიკული გოლდენ რეტრივერები ინგლისურ რეტრივერებზე პატარები არიან, მაგრამ ვიზუალურად უფრო მოხდენილად და ელეგანტურად გამოიყურებიან. მათი ბეწვი უფრო მუქია, მაგრამ შეფერილობა, კანადურ რეტრივერებთან შედარებით, სიმკვეთრით არ გამოირჩევა. ამ უკანასკნელებს შეუძლიათ ულამაზესი სპილენძისფერი ბეწვით დაიკვეხნონ.
გოლდენ რეტრივერის ხასიათი თუ ადრე გოლდენი გამოიყენებოდა მხოლოდ ნადირობისთვის, თანამედროვე სამყაროში ეს უფრო და უფრო ნაკლებად ხდება. ეს მშვენიერი ძაღლები ბევრი ოჯახის საყვარელი ბინადრები ხდებიან და ასევე, სარგებლობა მოაქვთ საზოგადოებისთვის. ისინი ხდებიან შესანიშნავი მაშველები, პოლიციის „თანამშრომლები“, მეწყილეები და კომპანიონები. ოჯახებში მათ შეუძლიათ პატარა ბავშვის ძიძის როლის მორგება, საბაჟოზე კი, სამსახურის მთავარ „ცხვირად” იქცნენ. გოლდენ რეტრივერი ჭკვიანი და მორჩილი ძაღლია, რომელიც სწორი აღზრდისა და წვრთნის დამსახურებით უნივერსალური შეიძლება იყოს. იგი გამოირჩევა შრომისმოყვარეობითა და გამძლეობით, მაგრამ მის ხასიათში აგრესია სრულიად არ არის. გოლდენსისგან დაცვის თანამშრომლის ან მცველის გამოწვრთნა შეუძლებელია. თითქმის ყველა, ვინც შეგნებულად გააკეთა არჩევანი ოქროს რეტრივერის სასარგებლოდ, მასზე გიჟდება. ამ ძაღლებს თითქმის არ აქვთ ნაკლი. მათ შეუძლიათ ერთი ნახვით მოგხიბლონ, ამისთვის მთე თავიანთ მომხიბვლელობასა და მეგორბულობას იყენებენ. გარდა ამისა, ამ ჯიშის წარმომადგენლებს უბრალოდ ფენომენალური მეხსიერება აქვთ. თუ თქვენმა მეგობარმა ყურადღება მიაქცია ძაღლს ან სასუნავი მიართვა, ძაღლი ამას არ დაივიწყებს და ყოველთვის სიამოვნებით შეეგებება მას.
გოლდენ რეტრივერის ხასიათი საკმაოდ დაბალანსებულია. ეს ძაღლები ნებისმიერ სიტუაციაში ცდილობენ „სახის შენარჩუნებას“. ისინი ყველანაირად ერიდებიან კონფლიქტს ნებისმიერ ცოცხალ არსებასთან. თუ ადამიანი ან ცხოველი არ იჩენს აგრესიას, მაშინ ოქრო ყოველთვის მზადაა გახდეს მისი მეგობარი. კრიტიკულ სიტუაციებშიც კი ოქროსფერი რეტრივერი შეეცდება საკითხის მშვიდობიანად მოგვარებას. თითქმის შეუძლებელია შეხვდე ასეთ ძაღლს, რომელიც გაბრაზდა და მოწინააღმდეგეს თავს დაესხა. ბავშვიანი ოჯახებისთვის ეს ჯიში ნამდვილი აღმოჩენა იქნება. ძაღლები მოითმენენ პატარების ძლიერ ჩახუტებას და არ განაწყენდებიან, თუ ბავშვი ბეწვზე ან კუდზე მოქაჩავს. უფროს ბავშვებთან ერთად, ცხოველი სიამოვნებით ითამაშებს, გაეკიდება ველოსიპედს, დაიჭერს ფრისბის და დაეწევა ბურთს. ძაღლების ეს ჯიში, სხვებთან შედარებით ადამიანზე მეტადაა ორიენტირებული. გოლდენ რეტრივერი მზადაა ძილისგან მთელი თავისუფალი დრო გაატაროს პატრონთან და ოჯახის სხვა წევრებთან. ის მათ მწუხარებასა და სიხარულს გაიზიარებს. ასეთი თვისებები საშუალებას იძლევა გამოიყენონ ძაღლები კანისთერაპიაში. ცხოველები ეხმარებიან ადამიანებს, რომლებიც განიცდიან გახანგრძლივებულ დეპრესიას და მათ ცხოვრებას ახალი ფერებითა და ბედნიერებით ავსებენ. ამ ძაღლებმა არ იციან რა არის ეჭვი. გოლდენსში უცნობი ადამიანები თუ ცხოველები მასში განსაკუთრებულ ინტერესსა და ცნობისმოყვარეობას აღძრავენ. ამიტომ, ნუ ელით, რომ თქვენი შინაური ცხოველი გულმოდგინედ დაიცავს თქვენს სახლს და ქონებას დაუპატიჟებელი სტუმრებისგან.
Leave your comment