ორსული ძაღლი მოულოდნელად მოუსვენარი გახდა, იატაკს კაწრავს, აქვს ლორწოვანი გამონადენი და დაბალი ტემპერატურა ? ეს ყველაფერი მოახლოებული მშობიარობის პრეფაქტორებია. საუკეთესო გამოსავალია სამსახურიდან დასვენების დღის აღება და ვეტერინარის გაფრთხილება. მაგრამ რა მოხდება, თუ შემთხვევით გამოტოვეთ ეს მომენტი?
პირველი და ყველაზე მნიშვნელოვანი, რაც უნდა გააკეთოთ, არის დამშვიდება და ვეტერინარის გამოძახება, თუნდაც მშობიარობა ღამით მოხდეს. ეს წინასწარ უნდა შეთანხმდეს სპეციალისტთან, რომელიც ამოწმებს ორსულ ძაღლს და რომელსაც ენდობით. სანამ ექიმი გზაშია, თქვენ დამოუკიდებლად უნდა მიჰყვეთ მშობიარობის პროცესს.
ძაღლმა წყლები დაღვარა
თუ ლეკვები ჯერ არ გამოჩენილან და დედამ წყლები დაღვარა, სავარაუდოდ, მშობიარობა, არც ისე დიდი ხნის წინ დაიწყო. ექიმის მოსვლამდე გარკვეული დრო გაქვთ. ძაღლი ამჟამად განიცდის ყველაზე მძაფრ ჭინთვებს, ასე რომ თქვენ შეგიძლიათ მისი მოფერება და დამშვიდება. არ შესთავაზოთ მას წყალი, რადგან ამან შეიძლება გამოიწვიოს ღებინება ან მეტიც-საკეისრო კვეთის საჭიროება.
რას მივაქციოთ ყურადღება? ჩაწერეთ დრო როდესაც ჭინთვა დაეწყო. თუ ჭინთვები და მცდელობები ორ საათზე მეტხანს გაგრძელდა, აუცილებლად აცნობეთ ექიმს!
ძაღლი აჩენს ლეკვს
დავუშვათ, აღმოაჩენთ, რომ ძაღლი უკვე მშობიარობის პროცესშია.
არავითარ შემთხვევაში არ ეცადოთ მშობიარობის დაჩქარებას, თუნდაც მოგეჩვენოთ, რომ ყველაფერი ძალიან ნელა ხდება. დაამშვიდეთ და შეაქეთ თქვენი ძაღლი.
როგორც კი ლეკვი დაიბადება, ნუ წაართმევთ მას. ჯერ დედამ უნდა ალოკოს და ჭიპლარი გაღრღნას. თუ რამე მიზეზით არ ლოკავს, თავად გაათავისუფლეთ ლეკვი გარსიდან, მანამდე დაიმუშავეთ ხელები ანტისეპტიკით და ჩაიცვით ხელთათმანები. იგივე ეხება იმ შემთხვევასაც, როცა ძაღლმა ჭიპლარი არ გაღრღნა. თუ ექიმი ამ დროისთვის არ არის მოსული, ეს თავად უნდა გააკეთოთ.
როგორ მოვაჭრათ ლეკვს ჭიპლარი:
⦁ წინასწარ მოამზადეთ მაკრატელი მრგვალი ბოლოებით;
⦁ დაიმუშავეთ ხელები ანტისეპტიკური ხსნარით;
⦁ ჩაიცვით ერთჯერადი ხელთათმანები;
⦁ აწიეთ მომყოლი (გარსისა და პლაცენტის ნარჩენები). ამ დროს ძაღლმა შესაძლოა თავად გაღრღნას ჭიპლარი;
⦁ თუ ძაღლი დაბნეულია და ჭიპლარი ისევ მთლიანია, სისხლი განდევნეთ ლეკვის კუჭისკენ;
⦁ ჭიპლარი სტერილური ძაფით (წინასწარ დამუშავებული) შეკარით და შემდეგ ამ კვანძიდან 1-1,5 სმ-ის დაშორებით გადაჭერით, შემდეგ ცერითა და საჩვენებელი თითით, მაგრად დააჭირეთ სისხლდენის შესაჩერებლად.
ძაღლმა გააჩინა ერთი ან მეტი ლეკვი
თუ ძაღლმა უკვე გააჩინა ერთი ან მეტი ლეკვი, აწონეთ, დაადგინეთ სქესი და ჩაიწერეთ მონაცემები. თუ ხედავთ, რომ ძაღლის ჭინთვები გრძელდება და უკვე გამოჩნდა შემდეგი ლეკვი, დანარჩენი ლეკვები ჩააწვინეთ, წინასწარ მომზადებულ თბილ კოლოფში. დადეთ ეს ყუთი თქვენი ძაღლის თვალწინწინ.
თუ ლეკვი ჯერ არ ჩანს, ძაღლს მიეცით საშუალება, რომ ახალშობილებს აჭამოს. ახლა მათ განსაკუთრებით სჭირდებათ დედის ხსენი, რომელიც შეიცავს საკვებ ნივთიერებებსა და ანტისხეულებს, ანუ იმუნიტეტს ლეკვებისთვის. ის ასევე ხელს უწყობს საჭმლის მონელების პროცესის დაწყებას, ხოლო ლოკვა ასტიმულირებს სუნთქვის პროცესს.
სუსტი ლეკვები, რომლებიც ძლივს მოძრაობენ, საჭიროებენ „გამოცოცხლებას“. თუ მოულოდნელად შენიშნეთ ასეთი ლეკვი, დაურეკეთ ვეტერინარს და იმოქმედეთ მისი მითითებების მიხედვით.
დაიმახსოვრეთ, ყველაზე მნიშვნელოვანი, რაც უნდა გააკეთოთ, მშობიარობის დროს, არის ვეტერინართან დარეკვა. მაშინაც კი, თუ გამოცდილი სელექციონერი ხართ და ძაღლი პირველად არ მშობიარობს. სამწუხაროდ, არცერთი შინაური ცხოველი არ არის დაცული შესაძლო გართულებებისგან.
Leave your comment