ყველასთვის ცნობილია, რომ არ შეიძლება შინაური ცხოველის გამოკვება სუფრის საკვებით და მხოლოდ ყველაზე პასუხისმგებლიანი პატონები იცავენ ამ წესს. მაგრამ, ამის მიუხედავად, ცხოველები ხშირად ცდუნებისა და მავნე ჩვევების მსხვერპლნი ხდებიან. როგორ გადავაჩვიოთ ძაღლი სუფრიდან საკვების მოპარვას?
საკვების მოპარვა მავნე ჩვევაა, რომელიც გულისხმობს არა მხოლოდ ძაღლის კვების დარღვევას, არამედ მისი აღზრდის პრობლემას. მასთან ჩხუბის დაწყებამდე აუცილებელია აღნიშნული ჩვევის გაჩენის მიზეზის დადგენა, ანუ იმის გაგება, თუ რატომ იპარავს ძაღლი სუფრიდან საკვებს.
თუ ცხოველი არასრულფასოვნად იკვებება (მაგალითად, სიმსუქნის გამო დიეტაზე დასვით), მაშინ სუფრიდან ლუკმის მოპარვის სურვილი ბანალური შიმშილის მიზეზია. გარდა ამისა, ცხოველის რაციონში მთელი რიგი საკვები ნივთიერებების ნაკლებობამ შეიძლება გამოიწვიოს მავნე ჩვევის განვითარების პროვოცირება.
თუ შინაური ცხოველის რაციონი წესრიგშია, მაშინ ეს პატრონის ბრალია, რადგან ამ შემთხვევაში მიზეზი შინაური ცხოველის არასათანადო აღზრდაა.
„ქურდობის“ პრევენცია
მთავარი წესი – ძაღლმა არასოდეს არ უნდა მიიღოს სასუსნავები სუფრიდან, როგორც არ უნდა ითხოვდეს და სევდიანი თვალებით გიყურებდეთ. რამდენიმე შემთხვევაც კი საკმარისია, შინაურმა ცხოველმა გააცნობიეროს, რომ სუფრიდან მიღებული საკვები გემრიელია, ის დელიკატესია. ხშირად, ასეთი გამოკვების შემდეგ, ძაღლს უჩნდება პრობლემები კვების ქცევასთან დაკავშირებით: მან შეიძლება უარი თქვას საკუთარ საკვებზე და გახდეს პრეტენზიული საკვების მიმართ.
მაგიდიდან ქურდობამ შეიძლება გამოიწვიოს უფრო სერიოზული შედეგები, როგორიცაა საყლაპავის დამწვრობა. ყველაზე ხშირად ეს ხდება მაშინ, როდესაც ძაღლი ცდილობს სწრაფად მიირთვას ახლად მომზადებული საკვები, სანამ პატრონი გასულია სამზარეულოდან და კერძი მაგიდაზე უყურადღებოდ დევს.
გარდა ამისა, სუფრიდან საკვების მიცემით, თქვენ ხელს უწყობთ იატაკიდან ნარჩენების აკრეფის ჩვევის განვითარებას. ეს გამოიწვევს ქუჩაში ნაგვის უკონტროლო ჭამას გასეირნებისას, რამაც შეიძლება მოწამვლამდეც მიიყვანოს.
მნიშვნელოვანია აჩვენოთ ძაღლს, რომ მისი საჭმელი თასშია და დანარჩენი ყველაფერი შეზღუდულია მისთვის. შინაური ცხოველის ცუდი ჩვევების წინააღმდეგ ბრძოლის დაწყებისას, არ გამოიწვიოთ მისი პროვოცირება, აიღეთ საკვები მაგიდიდან, მჭიდროდ დახურეთ კარადები და სანაგვე ყუთი.
როგორ გადავაჩვიოთ ძაღლი მაგიდიდან ქურდობას, თუ ის უკვე აკეთებს ამას?
საჭმლის ქურდობის წინააღმდეგ ბრძოლა:
⦁ გადახედეთ ძაღლის რაციონს, დარწმუნდით, რომ მიღებული საკვების რაოდენობა, საკმარისია მისთვის;
⦁ არ დაუშვათ თქვენი შინაური ცხოველის ყოფნა სამზარეულოში, როცა თქვენ მიირთმევთ. როგორც კი შეეცდება შესვლას, გაეცით ბრძანება „ადგილი“;
⦁ თუ ძაღლი მაგიდიდან იპარავს და თქვენ მას „დანაშაულის“ მომენტში დაიჭერთ, გამოიყენეთ დამაფრთხობელი ხმები.შესაძლებელია სპეციალური მოწყობილობის შეძენა შინაური ცხოველების მაღაზიაში ან დამოუკიდებლად დამზადება. ამისათვის, გამოდგება თუნუქის ქილა, შიგნით რამდენიმე მონეტით.
როგორც კი შეამჩნევთ, რომ შინაური ცხოველი ლუკმის მოპარვას ან იატაკიდან რაღაცის აღებას აპირებს, მის მახლობლად გადააგდეთ ქილა. მთავარია, ისე გააკეთოთ, რომ ვერ მიხვდეს, საიდან გაჩნდა ეს შემზარავი ობიექტი;
თქვენ ასევე შეგიძლიათ გააკეთოთ ხაფანგები, იმავე თუნუქის ქილაზე „გემრიელობის“ მიბმით. აუცილებლად დააფარეთ „სიურპრიზს“ პირსახოცი, რათა ძაღლმა ვერ დაინახოს.
თუ ძაღლი სუფრიდან საკვებს იპარავს, საჭიროა არა მხოლოდ მისი, არამედ საკუთარი ქცევის გამოსწორებაც. თუ ოჯახის რომელიმე წევრი მაინც გააგრძელებს შინაური ცხოველის ჩუმად გამოკვებას, მთელი ბრძოლა უშედეგო იქნება. შეეცადეთ აუხსნათ ახლობლებს, თუ რა შეიძლება გამოიწვიოს კვების დარღვევამ და იატაკიდან უკონტროლო ჭამის ჩვევამ. შინაური ცხოველის ჯანმრთელობაზე პასუხისმგებლობა მთლიანად პატრონს ეკისრება. კარგად გაწვრთნილი ძაღლი, რომლის რაციონიც დაბალანსებულია, არ შეეცდება სუფრიდან რამეს მოპარვას.
Leave your comment