შეიძლება თუ არა ძაღლებისთვის ძვლების მიცემა?

ძვლების ზეგავლენა გამართლებაზეა დამოკიდებული – შეიძლება მუდმივად მისცეთ ისინი თქვენს ძაღლს და მას არანაირი პრობლემა არ შეექმნას. მაგრამ გვერწმუნეთ, ყოველთვის შეიძლება არ გაგიმართლოთ! ქვემოთ ჩამოთვლილია ძირითადი პრობლემები, რაც ძვლების მიღებამ შეიძლება გამოიწვიოს:

• ⦁ კბილების მოტეხილობა – ძაღლს შეუძლია მყარ ძვალზე კბილის (და ერთზე მეტის) მოტეხვა. შემდეგ კი შეიძლება საჭირო გახდეს დაზიანებული კბილ(ებ)ის ამოღება.
• ⦁ პირის ღრუს დაზიანებები – ძვლის მკვეთრმა კიდეებმა შეიძლება, გაუჭრას თქვენს ძაღლს ღრძილები, ენა ან პირის ღრუს ლორწოვანი გარსი. ეს არა მხოლოდ მტკივნეულია, არამედ საშიშიც: დაზიანებულ ადგილებში შეიძლება განვითარდეს ინფექცია.
• ⦁ სასუნთქი გზების ობსტრუქცია – მთლიანი ძვალი ან მისი ნაწილი შეიძლება გაეჭედოს ყელში და გადაეკეტოს სასუნთქი გზები. ამან შესაძლოა, ძაღლის დახრჩობა გამოიწვიოს.
• ⦁ კუჭ-ნაწლავის გართულებები – საჭმლის მომნელებელ ტრაქტში, ძვლებმა შეიძლება, გამოიწვიოს სერიოზული დაზიანება. ძვლის ნაწილი შეიძლება გაიჭედოს საყლაპავში, კუჭში ან ნაწლავებში. უმეტეს შემთხვევაში, გადაუდებელი ოპერაციაა საჭირო ჩარჩენილი ძვლის ამოსაღებად. მაგრამ მაშინაც კი, როცა ძვლები არ იჭედება, შეიძლება განვითარდეს გაღიზიანება – მაშინ შინაური ცხოველს ეწყება ღებინება, დიარეა ან ყაბზობა.

განსაკუთრებით საშიშია მოხარშული ფრინველის ძვლები, რადგან ძალიან ადვილად ტყდება. სინამდვილეში, ნებისმიერი ძვალი საშიშია ძაღლებისთვის, ასე რომ არ დააყენოთ თქვენი შინაური ცხოველის სიცოცხლე და ჯანმრთელობა ასეთი რისკის ქვეშ – ყოველივე ამის შემდეგ, ყველაფერი შეიძლება ძალიან სევდიანად დასრულდეს (ფატალური შედეგითაც კი).

ძვლების ალტერნატივა

ძვლები სახიფათოა, მაგრამ ძაღლებს სჭირდებათ რაღაცის ღეჭვა. ამიტომ, შინაური ცხოველების მაღაზიებში არის სხვადასხვა საღეჭი სათამაშოებისა და ძაღლებისთვის განკუთვნილი სპეციალური კერძების უზარმაზარი ასორტიმენტი, რაც ძვლების კარგი ალტერნატივა იქნება.