რატომ ყმუის ძაღლი?
მოწყენილია, სევდიანია, შეშინებულია, ავადმყოფობს, ნერვიულია, შეზღუდულია მოძრაობასა და/ან სივრცეში, რეაგირებს სხვა ძაღლის ყმუილზე, მშიერია, სწყურია ან რაღაც აწუხებს, სურს ტუალეტში გასვლა.
Blog
რა უნდა გავაკეთოთ, თუ ძაღლი გამუდმებით ყმუის?
დაადგინეთ ყმუილის მიზეზი. თუ ყველაფერი რიგზეა, ჯანმრთელობის მხრივ (უმჯობესია დაუკავშირდეთ ვეტერინარულ კლინიკას), მაშინ ძაღლს მეტი ყურადღება უნდა მიაქციოთ, გაწვრთნათ და შეაჩვიოთ თქვენს არყოფნას. არ მოაკლოთ მას სიყვარული და ყურადღება, აგრეთვე მოამარაგეთ სათამაშოების საკმარისი რაოდენობით.
რატომ ყმუის ძაღლი ქუჩაში?
ქუჩაში, ისევე როგორც ბუნებრივ გარემოში, ძაღლები ემორჩილებიან ინსტინქტებს, მათ შორის „ხროვად შეგროვებას“. ძაღლები სწორედ ყმუილით ცდილობენ დაძახებას და უხმობენ ერთმანეთს.
როგორ გადავაჩვიოთ ძაღლი სახლში ყმუილს?
თანდათან მიაჩვიეთ სახლიდან ხანგრძლივი დროით გასვლას, შეაქეთ და მოეფერეთ, როცა მშვიდად იქცევა. ავარჯიშეთ თქვენი ძაღლი მანამ, სანამ არ ისწავლის მშვიდად მოქცევას, მოამარაგეთ ის საჭირო რაოდენობის სათამაშოებით, დამოუკიდებელი გართობისთვის.
ძაღლი ზამთარში ხშირად იწყებს თათების ლოკვას – რატომ?
შესაძლოა მიზეზი დაკავშირებული იყოს თითებს შორის, ბეწვზე, თოვლის შეწებებასთან ან გაღიზიანებასთან, რომელიც, თავის მხრივ, დაკავშირებულია გამწმენდ რეაგენტებთან. აუცილებელია დიდი ყურადღება მიაქციოთ ჰიგიენურ მოვლას - თითებზე გრძელი ბეწვის შეჭრა. თუ ეს არ შეამსუბუქებს პრობლემას, მაშინ უნდა მიმართოთ ვეტერინარს.
ჩემი ძაღლი მუდმივად ილოკავს თათებს – რამდენად ნორმალური ქცევაა ეს?
პრობლემა შეიძლება იყოს დაკავშირებული ქცევასთან, თუ, რათქმაუნდა, გამორიცხულია ფიზიკური ასპექტები. სამწუხაროდ არა. თათების მუდმივი ლოკვა ხშირად მიუთითებს იმაზე, რომ ძაღლს აწუხებს ქავილი, ტკივილი ან ფსიქოლოგიური დისკომფორტი. პრობლემა შეიძლება იყოს დაკავშირებული ქცევასთან, თუ, რათქმაუნდა, გამორიცხულია ფიზიკური ასპექტები.
ძაღლი უხალისოდაა, არ ჭამს და მხოლოდ წყალს სვამს – სანერვიულოა?
თუ ძაღლი არ ჭამს და უსიცოცხლოა ეს ნორმალურია იმ შემთხვევაში, თუ ის ორსულადაა, დაღლილია ან უკვე კარგად ნაჭამია. ამ შემთხვევაში აუცილებელია შინაური ცხოველზე დაკვირვება, დღე-ღამის განმავლობაში და, თუ ჩივილები გაგრძელდა - ექიმთან წაყვანა. ის, რომ წყალს სვამს, დამატებით სპეციფიკას არ შეიცავს.
ძაღლი ცუდად ჭამს, მაგრამ ამავე დროს აქტიურია – რა შეიძლება იყოს მიზეზი?
თუ ძაღლმა შეწყვიტა ჭამა, მაგრამ ამავდროულად ნორმალურ ცხოვრებას ეწევა, ეს არ ნიშნავს რომ ის ავად არის. მიზეზი შეიძლება რამდენიმე იყოს: შინაური ცხოველი იწუნებს საკვებს, უბრალოდ ცხელი ამინდია, ორსულადაა ან სექსუალური აქტივობის პერიოდი აქვს.
რა უნდა გავაკეთოთ, თუ ლეკვი უხალისოდაა და საერთოდ არ ჭამს?
თუ ზრდასრულ ძაღლს აქვს მადის პრობლემები, ეს არ არის შფოთვის მიზეზი, მაგრამ ლეკვების შემთხვევა უფრო რთულია. ლეკვი არ უნდა შიმშილოდეს ერთ დღეზე მეტ ხანს, ხოლო ჭამაზე უარის თქმისა და უხასიათობის სიმპტომები ყველაზე ხშირად „პატარას“ ორგანიზმში ანთებითი პროცესების განვითარებაზე მიუთითებს. ასეთ პირობებში რეკომენდებულია, სასწრაფოდ მიმართოთ ვეტერინარს.
რა უნდა გავაკეთოთ, თუ ზრდასრული ძაღლი არაფერს ჭამს?
როდესაც ძაღლი არ ჭამს და უსიცოცხლოა, საჭიროა დადგინდეს მიზეზი: ფიზიოლოგიურია თუ პათოლოგიური, და საჭიროებს თუ არა მკურნალობას. თუ პრობლემა ფიზიოლოგიურია, დააკვირდით ძაღლს და შეძლებისდაგვარად გამოასწორეთ მისი ქცევა – შესთავაზეთ უფრო მიმზიდველი საკვები, შეეცადეთ, მეტად დატვირთოთ, ფიზიკურად. თუ მიზეზი პათოლოგიურია, უნდა მიმართოთ ექიმს.