რუსული ენის განმარტებითი ლექსიკონები, როგორც წესი, განსაზღვრავენ შეცდომას, როგორც „ არასწორობას მოქმედებაში, საქციელში, მსჯელობაში, აზრებში”. ასე რომ, თუ მფლობელს არასწორი წარმოდგენა აქვს გაწვრთნის შესახებ, მაშინ მისი ყველა მოქმედება ძაღლთან, არის მთლიანი შეცდომა.
ამრიგად, ძაღლების პატრონების პირველ მთავარ შეცდომად შეიძლება ჩაითვალოს გაწვრთნის პროცესის წარმოუდგენლობა ან არასწორი წარმოდგენის არსებობა.
ამ შეცდომების თავიდან ასაცილებლად და იმისთვის, რომ არ დაგჭირდეთ შეცდომების გამოსწორება, სანამ ძაღლის წვრთნას დაიწყებთ, აუცილებელია, წაიკითხოთ რამდენიმე წიგნი ამის შესახებ. ეს იმ შემთხვევაში, თუ, რა თქმა უნდა, პატრონი გეგმავს საკუთარი ძაღლის გაწვრთნას დამოუკიდებლად.
თუ პატრონი ძაღლთან ვარჯიშობს სავარჯიშო მოედანზე, ძაღლების სკოლაში ან ინდივიდუალურად, ინსტრუქტორის ხელმძღვანელობით, მაშინ ამ შემთხვევაში უფრო მარტივ შეცდომებთან გვაქვს საქმე: ინსტრუქტორის რეკომენდაციების შეუსრულებლობა ან რეკომენდაციების არასრულად შესრულება. სხვათაშორის, რამდენიმე წიგნის მაინც წაკითხვა არ იქნება ურიგო.
ხშირად, პატრონები არ ანიჭებენ სათანადო მნიშვნელობას სპეციალისტების რეკომენდაციებს, მათ მიაჩნიათ, რომ რეკომენდაციები შეუსრულებელი ან ძალიან რთულია. ხშირად საკუთარ საღ აზრზე ან მეზობლის აზრზე დაყრდნობით, ამარტივებენ მათ.
ასე რომ, ძაღლების გაწვრთნისადმი ინტერესის გაჩენის რეკომენდაციის აშკარა ღირებულების მიუხედავად, პატრონების მხოლოდ მცირე ნაწილი უდგება პასუხისმგებლობით ძაღლის ინტერესებს. და თუ ძაღლს არ აინტერესებს (ანუ მისთვის არ არის მნიშვნელოვანი) მწვრთელთან ვარჯიში, მაშინ ის კარგად ვერ იმახსოვრებს სიახლეებს ან საერთოდ ვერ იმახსოვრებს. და რატომ უნდა დაიმახსოვროს ის, რაც არ არის საინტერესო და მნიშვნელოვანი მისთვის?! გაიხსენეთ თქვენი თავი სკოლაში!
რას ნიშნავს ძაღლის დაინტერესება? ეს ნიშნავს მასში გაღვივდეს მოქმედების შესრულების ან მოქმედების შედეგის დანახვის მწვავე სურვილი. ამისთვის კი აუცილებელია ძაღლში შესაბამისი მოთხოვნილებების და მოტივაციის შექმნა. მაგრამ არა მხოლოდ შექმნა, არამედ სწორ დონეზე შენარჩუნება. მაგალითად, თუ პატრონი საკვებს იყენებს სამოტივაციოდ, მაშინ ძაღლმა უნდა განიცადოს შიმშილი. ანუ, იმდენად უნდა იყოს მშიერი, რომ საკვების გრანულასთვის ის მზად იყოს ცეცხლსა და წყალში შესასვლელად.
ის, რაც წიგნებშია აღწერილი, როგორც „სასუსნავი“ ხშირად არ წარმოადგენს ძაღლისთვის ღირებულებას. სასუსნავის გარეშეც შეიძლება ცხოვრება!
იგივე ეხება სათამაშოს / თამაშის მოთხოვნილებას. ვარჯიშის დროს მისი გამოყენება ეფექტურია მხოლოდ მაშინ, როცა ძაღლი მსოფლიოს ყველა ძაღლს გაცვლის სათამაშოში და პატრონთან თამაშში!
თუ სამოტივაციო ობიექტის მიმართ ინტერესი დაბალია, მაშინ ქმედება ძაღლისთვის არ არის მნიშვნელოვანი.
სხვათაშორის, გაწვრთნის სეანსები უნდა შეწყდეს, როგორც კი ძაღლის ინტერესი მოტივატორის მიმართ გაქრება.
პატრონების შემდეგი გავრცელებული შეცდომა არის ძაღლზე მავნე ზემოქმედების ბოროტად გამოყენება. მოგეხსენებათ, ავერსიული ქმედებები ისეთია, რომლებიც იწვევს დისკომფორტს ან ტკივილს ძაღლში.
ძაღლის იძულება იმოქმედოს ზემოქმედების საშუალებით, იწვევს ძაღლში ნეგატიურ ემოციებს და შიშს. და არავის უყვარს ტკივილი, უარყოფითი ემოციები და შიშის გრძნობა. პატრონის მიერ მიცემული ბრძანებები, უნარები, ადგილი, სადაც ვარჯიში ტარდება, დროთა განმავლობაში ნეგატიურ ემოციებთან ასოცირდება და ძაღლი კარგავს პატრონთან ურთიერთობის ყოველგვარ სურვილს. ისწავლეთ.
შეცდომად ითვლება ძალიან ხშირი, ან პირიქით, ძალიან იშვიათი ვარჯიში. ვარჯიში შეიძლება ყოველდღე, მაგრამ ცოტ-ცოტა ხნით. აგრეთვე ვარჯიში შეიძლება ყოველ მეორე დღეს, ამ შემთხვევაში გაკვეთილების ხანგრძლივობა უნდა გაიზარდოს.
ძაღლი დამოუკიდებლად კარგად აღზრდილი ვერ გახდება, ის უნდა აღზარდოთ.
ვარჯიშის ხანგრძლივობა? გაკვეთილი გრძელდება მანამ, სანამ ძაღლი ინარჩუნებს ყურადღებას და ინტერესს, სანამ მას აქვს სურვილი ჩაერთოს თქვენთან ერთად ამ ვარჯიშში. უმჯობესია ასეთი რეჟიმის დაცვა: რამდენიმე წუთი მოსაწყენი ვარჯიში – რამდენიმე წუთი მხიარული შესვენება; და კიდევ: ვარჯიშის რამდენიმე წუთი – შემდეგ რამდენიმე წუთიანი შესვენება.
არ შეიძლება ერთი და იგივე ვარჯიშის გამეორება დიდი ხნის განმავლობაში. ძაღლები იღლებიან ერთფეროვნებისგან ისევე, როგორც ადამიანები.
ხშირად, პატრონები ნაადრევად წყვეტენ საყელოს გამოყენებას, როგორც ქცევის კონტროლის საშუალებას. ეს იწვევს პატრონის ძალაუფლების გაქრობას ძაღლებისათვის. უფრო სწორია უნარების ჩამოყალიბების სამი ეტაპის გამოყოფა: მოკლე, საშუალო სიგრძის და 10 მ სიგრძის საყელოზე. მხოლოდ მაშინ უნდა მოიხსნას, როცა ძაღლი გარანტირებულად ასრულებს ბრძანებებს გრძელ საყელოზე.
ბევრი მფლობელი არაერთხელ იმეორებს ბრძანებას და იყენებს მუქარის ინტონაციას. მერწმუნეთ, ძაღლებმა კარგად იციან, რომ მთავარია სიტყვების შედეგი და არა სიტყვები. მიეცით ერთი ბრძანება სერიოზული ტონით, მაგრამ აუცილებლად მიიყვანეთ შესრულებამდე. შემდეგ ჯერზე ძაღლს ეცოდინება, რა ელოდება მას.
და არ უნდა დაარღვიოთ განზოგადებული სწავლის ალგორითმი: მარტივიდან რთულამდე და ზოგადიდან კონკრეტულამდე!
წარმატებები!
Leave your comment