სიმართლე და სიცრუე: პოპულარული მითები კატებზე
-
- კატებს განსაკუთრებული მოვლა არ სჭირდებათ
- იმის გამო, რომ კატები ძალიან დამოუკიდებლად იქცევიან, ზოგი ფიქრობს, რომ ამ შინაურ ცხოველებს მინიმალური მოვლა სჭირდებათ. მაგრამ სინამდვილეში, რა თქმა უნდა, ეს ასე არ არის. თუ გსურთ, რომ შინაურმა ცხოველმა დიდხანს და ბედნიერად იცხოვროს, უნდა იზრუნოთ მასზე – კვებოთ სწორად, დროულად წაიყვანოთ ვეტერინართან, დავარცხნოთ, დააჭრათ ბრჭყალები, იზრუნოთ მის კბილებსა და ყურებზე, ეთამაშოთ და ა.შ.
- კატები ყოველთვის თათებზე ეცემიან
- მართლაც, კატები, როგორც წესი, დაცემისას თათებზე ეშვებიან, მაგრამ ეს მუდამ უხიფათოდ არ სრულდება გარდა ამისა, ამ კატის თათებზე დაცემა დამოკიდებულია სიმაღლეზე, საიდანაც ის ვარდება, ასევე მის წონაზე, ამიტომ, ნუ იფიქრებთ, რომ თუ კატა თათებზე დახტა, საფრთხე არ არსებობს.
- კატები და ძაღლები დაუძინებელი მტრები არიან
- რა თქმა უნდა, ეს ტყუილია.კატებს ძაღლებთან მეგორობა შეუძლიათ. თუ გსურთ, სახლში ორივე მათგანი გყავდეთ, უმჯობესია, ისინი ერთდროულად და დაახლოებით ერთსა და იმავე ასაკში იყიდოთ: თუ კნუტი და ლეკვი ბავშვობიდან ერთად არიან, მაშინ ისინი თითქმის ყოველთვის დიდი მეგობრები გახდებიან. მაგრამ მაშინაც კი, თუ ვინმეს მოგვიანებით მიიყვანთ ოჯახში და ასაკი განსხვავებული იქნება, ეს მაინც არ ნიშნავს იმას, რომ ეს ცხოველები ვერ იმეგობრებენ.
- კატებს აცრები და პარაზიტებზე დამუშავება არ სჭირდებათ
- სამწუხაროდ, ეს ფართოდ გავრცელებული შეხედულებაა, რომელიც რეალურად მცდარია. მაშინაც კი, თუ თქვენი კატა არ გადის გარეთ, ეს არაა იმის გარანტია, რომ არ დაინფიცირდება. მაგალითად, შესაძლებელია ინფექციის წყარო სახლში შემოიტანოთ ქუჩის ფეხსაცმლით ან ტანსაცმლით. დაგვიჯერეთ, გაცილებით მარტივია ცხოველის პროფილაქტიკის მიზნით დამუშავება და რეგულარულად აცრა, ვიდრე მკურნალობა.
- კატამ ერთხელ მაინც უნდა იმშობიაროს „ჯანმრთელობისთვის“ / კატებს სტერილიზაცია და კასტრაცია არ სჭირდებათ
- ეს ორი მითი ხშირად ერთად მოდის. სინამდვილეში, კატა შეიძლება უფრო მეტად განიცდიდეს ორსულობას, ვიდრე სტერილიზაციას. სიმართლე ისაა, რომ ზოგ ადამიანს უბრალოდ კნუტები უნდა და ნებისმიერ გამართლებას გამოძებნიან. სტერილიზაცია ხელს უშლის საშვილოსნოს კიბოს გაჩენას და ხელს უწყობს ძუძუს კიბოს და საკვერცხის ცისტების თავიდან აცილებას.
- ამიტომ, თუ თქვენ არ ხართ პროფესიონალი კატების მომშენებელი, უმჯობესია თქვენი შინაური ცხოველის დასაცავად მისი სტერილიზაცია/კასტრაცია ადრეულ ასაკში და რა თქმა უნდა, კასტრაცია/სტერილიზაციამდე კნუტებს ნუ გააჩენინებთ.
Leave your comment