როდის შეიძლება კნუტების აყვანა და გაცემა – ოპტიმალური ასაკი
როდესაც სახლში ფუმფულა გორგალი ჩნდება, ჩვეული ცხოვრება იცვლება. მომავალი პატრონები ამ დღეს გაფაციცებით ელოდებიან, რათა ოჯახის ახალ წევრზე იზრუნონ და მოეფერონ, მაგრამ სანამ კნუტს აიყვანთ, უნდა გაითვალისწინოთ: კნუტის დედასთან დაშორების ოპტიმალური ასაკი 2,5-3 თვეა.
კნუტების განვითარების ეტაპები
დაბადებიდან პირველი 2 თვის განმავლობაში კნუტი დედა-კატაზე ძალიან დამოკიდებულია, დედა მას ასწავლის ყველა საბაზო უნარს დამოუკიდებლად ცხოვრება რომ შეძლოს. ასწავლის ჭამას, გადაადგილებას, კუჭ-ნაწლავის დაცლას, თავის ალოკვას და საკუთარ უსაფრთხოებაზე ზრუნვას. უმწეო ახალშობილი კნუტი ამ ყველაფერს დედისგან იღებს, რომელთანაც მისი დაშორება არავითარ შემთხვევაში არ შეიძლება, ამიტომ სანამ კნუტს სახლში წამოიყვანთ, გაარკვიეთ, რა ასაკისაა და ისევ დედასთან ცხოვრობს თუ – არა. გადავხედოთ კნუტის განვითარების ძირითად ეტაპებს:
0–1,5 კვირა
კნუტები ბრმები იბადებიან, წონასწორობის შენარჩუნება და თავისუფლად გადაადგილება არ შეუძლიათ, ასე რომ სიცოცხლის ერთნახევარ კვირას დედასთან ატარებენ და მის გვერდით ხოხვას ცდილობენ. თავიდან პატარებს არ შეუძლიათ კუჭ-ნაწლავის დამოუკიდებლად დაცლა და ამაში დედა-კატა ეხმარებათ.1,5–3 კვირა
ამ დროისთვის კნუტები საკმაოდ აქტიურად იზრდებიან- სამჯერ მაინც და მათი წონა 300-400 გრამს აღწევს. კნუტები იწყებენ გარესამყაროს დანახვას, თვალები ეხილებათ, მაგრამ ნივთებზე ფოკუსის დაჭერა არ შეუძლიათ. მესამე კვირა სრულდება კბილების ამოჭრით და თავდაჯერებული ნაბიჯების გადადგმის დაწყებით.3–6 კვირა
სიცოცხლის ამ ეტაპზე ფუმფულა გორგალი ახდენს დამოუკიდებლად ორიენტაციის უნარის დემონსტრირებას და სივრცეში თავდაჯერებულად გადაადგილდება. კნუტის კბილები ზრდას განაგრძობენ და მათი რაოდენობა 26-სს აღწევს. 1 თვის კნუტს დამატებით შეგიძლიათ აჭამოთ მყარი საკვები და ცოტა ხნით, ძალიან ფრთხილად ხელშიც აყვანოთ – დედა-კატასაც ესაჭიროება დასვენება, ამიტომ წინააღმდეგი არ იქნება, კნუტი ხომ უკვე წამოიზარდა.6–12 კვირა
კნუტი ზრდას განაგრძობს და დამოუკიდებელი ცხოვრებისთვის აუცილებელი უნარების შეძენას განაგრძობს. კნუტის ხახა უკვე მოზდილი კატის ხახას გავს – ყველა კბილი ამოსული აქვს, ასე რომ რაციონი უკვე თითქმის სრულად მყარი საკვებისგან შედგება. კნუტის ორგანიზმი უფრო ვითარდება, ძლიერდება და ვაქცინაციის გადატანა შეუძლია. ამიტომ ამ დროს კნუტი პირველი აცრის გასაკეთებლად მიყავთ ხოლმე.12 კვირა და მეტი
3 თვისთვის კნუტი განვითრების პიკს აღწევს და მზადაა ზრდასრული ცხოვრებისთვის. მას გამოუმუშავდება იმუნიტეტი, ფორმირდება ხასიათი, ავლენს ცნობისმოყვარეობასა და თამაში უნდა. დედის რძიდან და შერეული კვებიდან მყარ საკვებზე გადადის. სწორედ ამ დროს დგება პერიოდი როდესაც შეიძლება კნუტები დედას დააშოროთ და ახალ პატრონებს გადასცეთ, სადაც დედის დახმარების გარეშე შეძლებენ ცხოვრებას.
რატომ არ სეიძლება ახალშობილი კნუტის დედასთან დაშორება
პირველ რიგში, ეს შეიძლება ცუდად აისახოს დედისა და კნუტის ჯანმრთელობაზე. ამ დროს ახალშობილი და დედა ემოციურად და ფიზიკურად ძალიან ემოციურ და დაძაბულ ცხოვრების პერიოდს განიცდიან. ორივეს ინსტინქტები მკვეთრად მუშაობენ, ამიტომ დაშორებამ, შესაძლოა, იქონიოს მეტად უარყოფითი ეფექტი და დიდ სტრესად ექცეთ. არსებბს საფრთხე მსგავსმა ტრავმამ გავლენა იქონიოს ცხოველების შემდგომ ემოციურ და ფიზიკურ კეთილდღეობაზე და მთელი ცხოვრება გაყვეთ. გარდა ამისა, ახალშობილი კნუტი სრულიად უწეო არსებაა, რომელსაც დამოუკიდებლად ცხოვრება არ შეუძლია, ამიტომ სანამ დედა-კატა ყველაფერს აუცილებელს არ ასწავლის და კნუტის ორგანიზმი განვითარების გარკვეულ სტადიას არ მიაღწევს, მათი დაშორება არ შეიძლება. თუ გსურთ რომ თქვენი მომავალი ცხოველი იყოს განვითარებული და ჯანმრთელი, ახალშობილ კნუტს სახლში ნუ წამოიყვანთ, მიეცით საშუალება გაიზარდოს და მომაგრდეს.
უნარები, რომლებსაც დედა-კატა კნუტებს გადასცემს
კატა თავის ნაშიერებზე დაბადებიდან ზრუნავს. ნელ-ნელა ასწავლის ყველაფერს, რათა დამოუკიდებლად ცხოვრება შეძლონ. ამიტომ კნუტებს დედას 3 თვის ასაკში სწყვეტენ, როდესაც ყველაფერი ქვემოთ ჩამოთვლილი უკვე ნასწავლი აქვთ:-
- პირველი უნარები, რომლებსაც სწავლობენ როგორც კი თვალები ეხილებათ არის: ოთხ თათზე გადაადგილება, უცხოებზე და შესაძლო საფრთხეზე რეაგირება.
- დედა კატა ეხმარება კნუტს სხვადასხვა სიტუაციაში ადაპტირდეს და შემდგომ დამოუკიდებლად იცხოვროს.
-
- კატა ასწავლის კნუტებს ჰიგიენის ძირითად საფუძვლებს. როდესაც მისი ნაშიერი 1 თვის ასაკს აღწევს, უჩვენებს პირი სწორად როგორ დაიბანოს, თავი როგორ გამოილოკოს და ბეწვი გულდასმით როგორ გაიწმინდოს. ასევე, კნუტი სწავლობს ჰიგიენურ პროცედურებს საკვების მიღებისა და ტუალეტის ვიზიტის შემდეგ.
-
- 1 თვის ასაკში უკვე მომაგრებული კნუტები დედის მიბაძვით წრეზე სიარულს სწავლობენ და საცხოვრებელს იკვლევენ. ახალი ტერიტორიების ათვისება ცხოველისთვის აუცილებელი უნარია და ისიც დედა-კატისგან გადაეცემათ.
-
- შინაური ცხოველისთვის კიდევ ერთი აუცილებელი უნარი ტუალეტად გარკვეული ადგილის გამოყენებაა. დედა კატა საკუთარ მაგალითზე უჩვენებს კნუტებს რომ ტუალეტად სპეციალური ადგილი უნდა გამოიყენონ.
როდის შეიძლება კნუტების დედასთან დაშორება?
მიიჩნევა, რომ კნუტების დედასთან დაშორება 3 თვის ასაკში უკვე შეიძლება, ვინაიდან ისინი ამ დროისთვის უკვე საკმარისად არიან განვითარებულნი და დედის გარეშე ცხოვრებისთვის ყველა აუცილებელ უნარს ფლობენ. თუმცა ეს საერთო რეკომენდაცია ერთადერთი სწორი გადაწყვეტილება არ არის. როდესაც მომშენებლები წყვეტენ, შეიძლება თუ არა კნუტების ახალი პატრონებისთვის გადაცემა, ისინი თვეებს არ ითვლიან, მთავარ ორიენტირად მიიჩნევენ კნუტების უნარებს დამოუკიდებლად გაუმკლავდნენ ყოვედღიურ საჭიროებებს.ჩამოვთვალოთ ის ძირითადი უნარები, რომლებიც კნუტს უნდა ჰქონდეს, რათა ის ახალ პატრონს მშვიდად გადავცეთ:
-
- მყარად უნდა იდგეს თათებზე და გადაადგილდებოდეს;
-
- მყარ საკვებს სხვისი დახმარების გარეშე იღებდეს;
-
- კატის ტუალეტს მიჩვეული იყოს;
-
- რეგულარულად გამოილოკოს თავი;
თუ კნუტს ზედმეტად ადრე წამოვიყვანთ
ზოგჯერ მომშენებლები სთავაზობენ პატრონებს 1 თვის კნუტები წაიყვანონ, მაგრამ შეიძლება კი ამის გაკეთება და რა საფრთხე ემუქრება კნუტს? შეიძლება – იმ შემთხვევაში, თუ კნუტი ობოლია, ხოლო, თუ დედა ჰყავს, უმჯობესი იქნება, 1,5 2 თვეს თუ მოიცდით, სხვა შემთხვევაში, კნუტს შეიძლება ცხოვრება გაუფუჭოთ. შესაძლებელია კნუტს დაეწყოს ფიზიოლოგიური პრობლემები, დედის რძე რომლითაც კნუტები დაბადებიდან იკვებებიან, მყარ საკვებზე შეჩვევამდე, ახალშობილისთვის კვების აუცილებელი წყაროა. კატის რძე შეიცავს ისეთ ფერმენტებს რომლებზეც საკვების სწორად მონელებაა დამოკიდებული, კნუტი, რომელსაც წაართმევთ დედის რძისგან სასარგებლო მუკროელემენტების მიღების შესაძლებლობას, საჭმლის მონელების პრობლემას შეეჯახება, შეიძლება განუვითარდეს დისბაქტერიოზი და დიარეა. ამასთან, თავიდან კნუტს არ აქვს უნარი მყარი საკვები მიიღოს. კუჭ-ნაწლავის ტრაქტის პრობლემების გარდა, დედასთან დაშორებული კნუტი ინფექცით შეიძლება დაავადდეს, რადგან მკვებავი ნივთიერებების გარეშე, რომლებსაც დედის რძე შეიცავს, მისი იმუნიტეტი საფრთხის ქვეშაა. მეორეც, პატარა ცხოველის ემოციური ჯანმრთელობაც დაზარალდება. კნუტის დედაზე მიჯაჭვულობა პირველი ერთნახევარი თვე განსაკუთრებულად ძლიერია, ამიტომ თუ მის სიცოცხლეში ყველაზე მნიშვნელოვან ობიექტს ამ პერიოდში მოსწყვეტთ, შესაძლოა დაეწყოს მძიმე ქცევითი და ფსიქოლოგიური პრობლემები. ძლიერი სტრესი, რომელიც შესაძლებელია კნუტმა განიცადოს, ჯანმრთელობის სხვა პრობლემებს გამოიწვევს.
თუ ზედმეტად გვიან წამოიყვანთ
ცხოველის კარგ გარემოში წაყვანა გვიანი არასდროს არაა, მაგრამ თუ ამას 7-8 თვის ასაკის შემდეგ გააკეთებთ, შესაძლოა პრობლემები შეგექმნათ. რაც უფრო დიდხანს რჩება კნუტი მშობლიურ სახლში, მით მეტად ეჩვევა მას, უყალიბდება გარკვეული რეჟიმი და დღის განრიგი, ამიტომ ახალ სახლში გადაწყობა უფრო გაუჭირდება. სქესობრივი მომწიფების ასაკში ცხოველი განიცდის ჰორმნონალურ ცვლილებებს, ხდება მისი ორგანიზმის გადაწყობა – ის ზრდასრულ კატად ყალიბდება, ეს მის ცხოვრებაში სრულიად ახალი და მოუსვენარი პერიოდია, ამიტომ ამ დროს აჯობებს ჩვეულ, კომფორტულ ატმოსფეროში იყოს და დამატებითი სტრესი არ განიცადოს. იმისთვის რომ კნუტები ბედნიერები და ჯანმრთელები იყვნენ, მათი ახალ ოჯახში წაყვანა შეიძლება 3 თვიდან იქამდე, სანამ სქესობრივი მომწფების პერიოდი დაეწყებათ.
როგრ უზრნველვყოთ კნუტის ახალ სახლში კომფორტული გადასვლა?
პატრონებმა წინასწარ უნდა იზრუნონ იმაზე, რომ როდესაც დადგება კნუტის ახალ ოჯახში წასვლის დრო, ამ პროცესმა უმტკივნეულოდ ჩაიროს დედისთისაც და კნუტებისთვისაც. აი, აუცილებელი რჩევები, რომელთა გათვალისწინებაც დაგეხმარებათ კნუტები ახალ სახლში უმტკივნეულოდ გაუშვათ.დედა და შვილი ნელ-ნელა დააშორეთ
კნუტს დედის გარეშე ცხოვრებას ნელ-ნელა უნდა შეაჩვიოთ: მაგალითად, 4 თვის ასაკში იწყება დედის რძეს გადაჩვევის პროცესი, ეძლევა დამატებითი საკვები (თხევადი საკვები, ნაკლებცხიმიანი რძის ნაწარმი და ქათმის რბილი ხორცი) ასევე, დედა-კატასა და კნუტებს მცირე ხნით აშორებენ ხოლმე. კნუტს სვამენ თავის ადგილას, უდებენ დედის რძის შემცვლელს, რომელსაც უსხამენ ჯამში და წყალს. კნუტს ამით აჩვევენ ჯამიდან დამოუკდებლად დალიოს.იზრუნეთ მოწყენილ დედაზე
დროდადრო კნუტების, რომლებმაც მიაღწიეს საბაზო დამოუკიდებლობას, დედისგან მოშორებით, დედას მათ მუდმივ არყოფნას მიაჩვევთ, ეს იმოქმედებს მისი ირგანიზმის მიერ გამომუშავებული რძის რაოდენობაზეც და ნერვული დაძაბულობა ნელ-ნელა იკლებს. როდესაც კნუტის სუნს ვერ იგრძნობს, დედას არ ექნება ინსტინქტი ის ეძებოს. როდესაც სახლი დაცარიელდება, კატა დარდობს და კნავის, ამ დროს აუცილებელია მაქსიმალურად ანუგეშოთ, გაახაროთ სასუსნავით ან ყურადღება თამაშზე გადაატანინოთ, ნელ-ნელა ის ახალ გარემოებას შეეჩვევა და ცხოვრების ჩვეულ რიტმს დაუბრუნდება.მოამზადეთ ადგილი საკვებისთვის
წინასწარ გადაწყვიტეთ თქვენი ოჯახის ახალი წევრი სად შეჭამს და განათავსეთ ამ ადგილზე საკვებისა და წყლისთვის განკუთვნილი ჯამები. ჯამების განლაგება ისეთი უნდა იყოს, კნუტს ჭამაში ხელი არ ეშლებოდეს.
მოუმზადეთ დასაძინებელი ადგილი
ჭამაზე მეტად, კნუტებს ძილი თუ უყვართ. ამიტომ, უკეთესი იქნება, თუ კნუტის სახლში მოყვანისას, მისთვის უკვე გამოყოფილი გექნებათ კომფორტული ადგილი დასვენებისა და ძილისთვის, კარგი იქნება, საწოლი ისე განათავსოთ კნუტს იქიდან შესაძლებლობა ჰქონდეს ხედავდეს, რა ხდება მის გარშემო – ცნობისმოყვარე მტაცებლებს ეს მოსწონთ.შეურჩიეთ შესაფერისი საკვები
ახალმა პატრონმა უნდა გაარკვიოს, რა საკვებს იღებს კნუტი და დარწმუნდეს, რომ ის შეეფერება. თუ ყველაფერი რიგზეა, არაა სასურველი, კნუტის მყისიერად ახალ საკვებზე გადაყვანა. აჯობებს, ეს მოგვიანებით გააკეთოთ, როდესაც ახალ საცხოვრებელს შეეჩვევა. აუცილებელია კნუტს საკვები შეურჩიოთ მისი ასაკის, ჯიშის და სხვა თავისებურებების გათვალისწინებით.დაუდგით მოსახერხებელი ტუალეტი
შეარციეთ კატის ტაულეტი ისე რომ კნუტს მასში ცაძრომა და ამოზრომაარ გაუჭირდეს, განათავსეთ ტუალეტი შეფაერის ადგილას, შეარჩიეთ ხარისხიანი შემვსებელი კნუტისთვის იქ სიარული კომფორტული რომ იყოს.დაამონტაჟეთ ბრჭყალების სალესი
არ დაგავიწყდეთ, რომ თქვენი ახალი მეგობარი მიუხედავად იმისა რომ პატარაა, მაინც მტაცებელია და მერე რა, რომ დიდ კატასთან შედარებით, გაცილებით მოკლე და რბილი ბრჭყალები აქვს, მათ მაინც სჭირდებათ რეგულარულად ალესვა. ცხოველს ეს ინსტინქტი აუცილებალდ გამოუვლინდება, ასე რომ ბრჭყალების სალესი უყიდეთ და შესაფერის ადგილას განათავსეთ.გასართობად სათამაშოები უყიდეთ
პატარა კნუტს, შესაძლოა უცებ არა, მაგრამ მალევე მოუნდეს სირბილი, თამაში და მისთვის საინტერესო ნივთებით გართობა, ამიტომ წინასწარ უყიდეთ ამ ასაკის ცხოველისთვის საინტერესო სათამაშოები.
Leave your comment