როგორ დავამშვიდოთ კნუტი?

pusho0304@mail.ru November 1, 2022 კატა, მოვლა პატრონობა, სასარგებლო რჩევები, ყველაფერი კნუტის შესახებ No Comment

აცანცარებული კნუტი შესაძლოა გადაიქცეს აუტანელ პატარა მონსტრად, რომელიც იკაწრება, იკბინება, ღრღნის ავეჯს, დარბის სახლში და ფარდებს ახტება. ამაზე ნუ იღელვებთ: დროთა განმავლობაში და შესაბამისი აღზრდის შემთხვევაში, ის გაიზრდება და დამჯერ, დისციპლინირებულ ცხოველად იქცევა, თუმცა, ამ მომენტის დადგომამდეც არსებობს ცხოველის დამშვიდების რამოდენიმე გზა.

რჩევა N1

თუ კნუტი ძალიან აღგზნებულია, უნდა სცადოთ მისი დაჭერა, ხელში აყვანა და მოფერება. ამ ასაკში ცხოველი იზრდება და ვითარდება, მას ძალიან ბევრი ენერგია აქვს, რომელიც აუცილებელია დახარჯოს, ამიტომ რეკომენდირებულია მასთან რაც შეიძლება დიდი დროის გატარება: ხელში აყვანა, თამაში. ეცადეთ მავნებლობისგან ყურადღება სხვა რამეზე გადაატანინოთ. რაც უფრო მეტად გაართობთ კნუტს დღისით, მით ნაკლებად შეაწუხებს პატრონს ღამით, რადგან ამის ძალა აღარ ექნება და აქტიურობა მნიშვნელოვნად იკლებს. შეიძლება ძალიან აქტიურად ეთამაშოთ დაძინებამდე 2 საათით ადრე.. თამაში ნელ-ნელა უნდა შეწყვიტოთ, იმოძრავეთ უფრო ნელა და მშვიდად. თუ მოულოდნელად შეწყვეტთ, კნუტს გაგრძელების სურვილი გაუჩნდება და პატრონის დევნას განაგრძობს.

რჩევა N2

თუ ყურადღებითა და მოფერებით ზედმეტად აქტიური ცხოველის მოთვინიერება არ გამოგიდით, სიმკაცრის გამოვლენა მოგიწევთ. გახსოვდეთ, კნუტს არავითარ შემთხვევაში არ სცემოთ: პირველივე ჯერზე ის ამას დაიმახსოვრებს და პატრონის მიმართ შიში და უნდობლობა გაუჩნდება, რაც სხვადასხვა უსიამვნო შედეგს გამოიწვევს. საფრთხის მუდმივი მოლოდინის გამო, შესაძლოა კნუტს განუვითარდეს ფსიქიკური დარღვევები, რომლებიც არაადეკვატურად აქცევენ. გარდა ამისა, კატები შურისმაძიებელები არიან, ამიტომ მასთან მიმართებაში გამოვლენილი სიმკაცრე ეს არის პატარა წკლიპურტი ცხვირზე ან წყლის პულივიზატორით შესხურება. კიდევ ერთი მეთოდი: სუსტად მოკიდოთ ხელი ქეჩოში, ცოტა ხნის წინ ასე მას საკუთარი დედა ექცეოდა – მაგრამ ეს მხოლოდ მაშინ უნდა გააკეთოთ, როდესაც მავნებლობს. კატებს ძალიან მოკლე მეხსიერება აქვთ და უკვე ჩადენილიდან რამდენიმე წუთში ცხოველი ვერ მიხვდება, პატრონი ასე რატომ ექცევა.

რჩევა N3

კნუტის დამშვიდება შეუძლია მკვეთრ ხმასაც. შეგიძლიათ იატაკზე სპეციალურად დააგდოთ მეტალის ნივთი – მიზანი კნუტის ყურადღების გადაატანაა და არა – შეშინება, ეს ქმედება მხოლოდ მისი მავნებლური განწყობის ჩაცხრობას ემსახურება. თუ არც ეს მეთოდი იმუშავებს, ცხოველს ყურადღება აღარ უნდა მიაქციოთ და მიახვედროთ, რომ მისი ასეთი ქცევა არ მოგწონთ.

რჩევა N4

აღმზრდელობითი პროცესი ეფექტური რომ იყოს, კარგი საქციელისთვის შეგიძლიათ კნუტი დააჯილდოვოთ. მაგალითად, როდესაც ხმამაღლა კნავილი შეწყვიტა, პატრონის თხოვნით ჩამოვიდა ფარდიდან, შეწვიტა ზედმეტად უხეში თამაშები, მიეცით მას საყვარელი სასუსნავები. მაგრამ აქ აუცილებელია თანმიმდევრულობა: არ ღირს ცხოველის ზედმეტად, ან ძალიან ხშირად ქება, რადგან ის ეცდება რაც შეიძლება ხშირად მიიღოს წახალისება.

რჩევა N5

თუ კნუტმა განიცადა სტრესი ან შეშინდა, მის დასამშვდლბლად აუცილებელია შიშის წყაროს მოშორება. შეშინებულ კნუტს დაუყოვნებლივ ხელში ნუ აიყვანთ, უკეთესი იქნება, თუ თავად დამშვიდდება, რაც შეეხება დაბალი, ნაზი ხმით საუბარს, ეს მსგავს სიტუაციაში მხოლოდ წააგდება. არ მისცეთ კნუტს ვალერიანი, ის კატებზე ადამიანებისგან განსხვავებით, სულ სხვაგვარად მოქმედებს, და ზოგადად, ვეტექიმების მიერ აკრძალულიცაა.