როგორ დავამეგობროთ კატა და ძაღლი?

ფართოდ არის გავრცელებული სტერეოტიპი, რომ კატები და ძაღლები მტრები არიან. გასაკვირი არ არის, რომ გამოთქმა “კატა-ძაღლივით” გამოიყენება, როდესაც საქმე ეხება ადამიანებს შორის რთულ და კონფლიქტურ ურთიერთობებს. თუმცა, ცხოვრებაში ყველაფერი ასე ცუდად არ არის. და თუ გადაწყვეტთ კატისა და ძაღლის ერთად ყოლას, გახსოვდეთ, რომ შინაური ცხოველების ქცევა მთლიანად დამოკიდებულია მათ აღზრდაზე.

როგორ ხვდებიან ცხოველები ერთმანეთს, შეუძლიათ თუ არა მათ მეგობრობა და მშვიდად თანაცხოვრება ერთ სახლში – ეს ყველაფერი დიდწილად პატრონზეა დამოკიდებული.

ყველაზე ადვილია ლეკვისა და კნუტისდამეგობრება. ამ შემთხვევაში პატრონისგან თითქმის არანაირი ძალისხმევა არ არის საჭირო, რადგან ერთად გაზრდილი ცხოველები ერთმანეთს ბავშვობიდან ეჩვევიან. მაგრამ სრულიად განსხვავებული ამოცანაა ზრდასრული კატებისა და ძაღლების დამეგობრება. ამ შემთხვევაში, პატრონს მოუწევს ყურადღებით აკონტროლოს სიტუაცია და მთლიანად პროცესი.