პატრონის ძირითადი შეცდომები, ძაღლების გამოკვებისას

თუმცა, ძაღლის კვებისას დაშვებული შეცდომები შეიძლება ფატალური აღმოჩნდეს. თანამედროვე პატრონებს არ აქვთ პრობლემები საკვების მრავალფეროვნებასთან დაკავშირებით და შეუძლიათ, უფრო ხელმისაწვდომი აირჩიონ: სპეციალური სამრეწველო საკვები ან ხორცი და ბოსტნეული. მიუხედავად ამისა, შეცდომებს უშვებენ როგორც მზა რაციონების მიმდევრები, ისე ძაღლების სელექციონერები, რომლებიც მხარს უჭერენ “ბუნებრივ” კვებას, მაგრამ, მათი შეცდომები განსხვავებულია.

სამრეწველო საკვები

ეს საკვები კარგად დაბალანსებულია და ძალიან მოსახერხებელია პატრონებისთვის, განსაკუთრებით მათთვის, ვინც ბევრს მუშაობს. თუმცა, ერთი შეხედვით კარგად შერჩეული რაციონის დროს, ძაღლს შეიძლება, პრობლემები შეექმნას. ამის მიზეზი შეიძლება იყოს:

• ⦁ ცხოველის, მშრალ საკვებზე მკვეთრი გადასვლა და საკვების მუდმივი ცვლა. იმისათვის, რომ ძაღლის კუჭი შეეჩვიოს, აუცილებელია, ეტაპობრივად მოხდეს ძაღლის რაციონის ნაწილის შეცვლა მშრალი საკვებით. ასევე, მუდმივად ნუ შეცვლით საკვებს. მიუხედავად იმისა, რომ ისინი ერთნაირია, საკვების სხვადასხვა სახეობა შეიცავს სხვადასხვა მინერალურ კომპლექსებს, ცხიმებისა და ნახშირწყლების სხვადასხვა თანაფარდობას;
• ⦁ ზედმეტი კვება. შინაური ცხოველის რაციონად მშრალი საკვების არჩევისას, საჭიროა მწარმოებლის მიერ რეკომენდებული ნორმების დაცვა. ზოგჯერ პატრონებს ეჩვენებათ, რომ ძაღლი უბრალოდ ვერ იღებს იმ მცირე რაოდენობის საკვებს, რასაც ინსტრუქციები გვირჩევენ, მაგრამ შინაური ცხოველის ჭარბად გამოკვება იწვევს სიმსუქნეს და ცხოველის ჯანმრთელობის სერიოზულ პრობლემებს;
• ⦁ სამრეწველო საკვებისა და ჩვეულებრივი საკვების შერევა. მზა საკვები უკვე შეიცავს ძაღლისთვის აუცილებელ ყველა მიკროელემენტს და მუდმივმა მცდელობამ, ცხოველს სხვა რამ მისცეთ, განსაკუთრებით მშრალისა და „ბუნებრივის“ ერთ თასში შერევამ, შეიძლება გამოიწვიოს საჭმლის მომნელებელი სისტემის დარღვევა ან აირების წარმოქმნა. ზოგჯერ უფრო სერიოზულ პრობლემებამდეც მივდივართ – გასტრიტი და წყლულიც კი;
• ⦁ სუფთა სასმელი წყლის ნაკლებობა. მშრალ საკვებში წყალი თითქმის არ არის და ცხოველისთვის მისი არარსებობა ნამდვილი წამებაა. ამიტომ, საკვების თასის გვერდით ყოველთვის უნდა იყოს სუფთა სასმელი წყლის თასი.

ნატურალური კვება

ძაღლის კვებისას ადამიანების საჭმლით შეიძლება სერიოზული შეცდომები დაუშვათ:

• ⦁ კვება „მაგიდიდან“. ძაღლებისთვის მარილი დიდი რაოდენობით არის შხამი, ასევე, ბოროტად არ უნდა გამოიყენოთ ცხიმიანი საკვები და არ უნდა მისცეთ ძაღლს შემწვარი საკვები. შინაური ცხოველისთვის ცალკე უნდა მოხარშოთ და არ შეეცადოთ, აჭამოთ ბორშის ნარჩენები ან კარტოფილი კატლეტით. წინააღმდეგ შემთხვევაში, შეიძლება სერიოზულად დაარღვიოთ საჭმლის მომნელებელი ტრაქტი;
• ⦁ ძალიან ბევრი მრავალფეროვნება. ძაღლები ადამიანები არ არიან! მათი რაციონი უნდა იყოს დაბალანსებული, მაგრამ ერთფეროვანი, რათა კუჭ-ნაწლავის ტრაქტმა ადვილად შეძლოს საკვებთან ადაპტაცია და მონელება. მცდელობა, მუდმივად გამოკვებოთ ძაღლი რამე ახლით, კარგს ვერაფერს მოიტანს;
• ⦁ „სასუსნავებით“ კვება. ზოგჯერ ცხოველმა შეიძლება უარი თქვას ჭამაზე, მიზეზი შეიძლება იყოს ძლიერი დაღლილობა ან ძალიან დიდი წინა პორცია და მადის ნაკლებობა მომდევნო კვებაზე. თუმცა, პატრონები ამით შეშინებულნი არიან და ისინი ყველა ხერხით ცდილობენ მის გამოკვებას. შედეგად, ძაღლი გემოვნება ხდება შერჩევითი და ძნელად თუ მოაწონებთ ამის შემდეგ რამეს. თუ შინაურ ცხოველს ჯანმრთელობის სერიოზული პრობლემები არ აქვს და ჭამაზე უარს ახირება იწვევს, უნდა მოქმედებდეს წესი: თუ არ გინდა ის, რაც თასშია, მაშინ არ გინდა ჭამა. ცხოველმა უნდა გააცნობიეროს, რომ თუ ის დაუყოვნებლივ არ შეჭამს თავის წილს, ის მშიერი დარჩება შემდეგ კვებამდე.