კატას სტრესი აქვს. რა ვქნათ?

როგორ მივხვდეთ, რომ კატას სტრესი აქვს?

1. • მადის ცვლილება; შინაურმა ცხოველმა შესაძლოა უარი თქვას ჭამაზე ან, პირიქით, ძალიან ბევრს ჭამდეს.
2. • ბეწვის ლოკვა; მუდმივად ბეწვის გამოლოკვა ასევე მიუთითებს ნერვულ აშლილობაზე, განსაკუთრებით თუ კატა ბეწვს გამელოტებამდე ილოკავს
3. • არა ტიპიური ქცევა თუ შინაური ცხოველი, რომელსაც ადრე იშვიათად გიჯდებოდათ ხელში, მოსიყვარულე გახდა და ერთი წუთითაც არ ტოვებს პატრონს, მიზეზი იგივეა – ემოციური აშლილობა. სხვათა შორის, მოსიყვარულე კატებს შეუძლიათ, პირიქით, გახდნენ აგრესიულნი ან ასოციალურნი – ამან ასევე უნდა დააფიქროს პატრონი. თუ შეამჩნევთ რომელიმე ამ სიმპტომს და ფიქრობთ, რომ თქვენს კატას სტრესი აქვს, სასწრაფოდ უნდა იმოქმედოთ. უპირველეს ყოვლისა, თქვენ უნდა დაადგინოთ ამ მდგომარეობის მიზეზი.

სტრესის მიზეზები

რეაქცია გარკვეულ მოვლენებზე ინდივიდუალურია. მაგალითად, ზოგიერთი შინაური ცხოველი შეიძლება სრულიად მშვიდად გრძნობდეს თავს ჩართულ მტვერსასრუტთან, ზოგში კი ეს იწვევს შიშს. ბევრი რამ არის დამოკიდებული კატის აღზრდაზე, მის ცხოვრების წესსა და გარემოზე. თუ კნუტი ბავშვობიდან მიეჩვია მოგზაურობას, ნაკლებად სავარაუდოა, რომ ასაკთან ერთად ქუჩა მისთვის სტრესის ფაქტორი გახდეს. მაგრამ ამას ვერ ვიტყვით იმ კატებზე, რომლებმაც, სახლი მხოლოდ მოზრდილობის ასაკში დატოვეს.

კატებში სტრესის ყველაზე გავრცელებული მიზეზებია:

• ახალ სახლში გადასვლა;

• ვიზიტი ვეტერინარულ კლინიკაში;

• ტრანსპორტირება;

• სახლში ბავშვების, ახალი ადამიანების ან ცხოველების გამოჩენა;

• მოულოდნელი მარტოობა;

• ეჭვიანობა;

• დაავადებები და ტკივილი.