ადამიანის მეგობარი: ძაღლმა თავისი პატრონი სიკვდილს გადაარჩინა, დაავადების „დიაგნოსტირებით“

ტანია გიბერდი ახალი დაბრუნებული იყო ორკვირიანი შვებულებიდან, როდესაც შენიშნა, რომ მისმა ჰასკიმ, სახელად საფირი, რომელიც ჩვეულებრივ ძალიან დამოუკიდებელი იყო და არ უყვარდა ჩახუტება, დაიწყო მეტი დროის გატარება პატრონთან. ძაღლი თითქმის არასდროს ტოვებდა ტანიას უყურადღებოდ: იგი კუდით მიჰყვებოდა მას უკან, ჩახუტებას სთხოვდა, ხშირად თავს და თათს ქალის მკერდზე ერთსა და იმავე ადგილას დებდა. თავიდან ჩანდა, რომ საფირს უბრალოდ ენატრებოდა ის. მაგრამ როდესაც ძაღლმა გააგრძელა ამის გაკეთება ერთი თვის შემდეგაც, ტანიამ ექიმთან მისვლა გადაწყვიტა. გამოკვლევის შემდეგ ქალმა სიმსივნის შესახებ შეიტყო და მისი მდგომარეობა უკვე ახლოს იყო კრიტიკულ ზღვართან, რა დროსაც ქიმიოთერაპიაც კი არ შველის. საბედნიეროდ, ტანიას დროულად აღმოუჩინეს ეფექტური დახმარება და ექვსი თვის შემდეგ ქალმა შეძლო, ნორმალურ ცხოვრებას დაბრუნებოდა საავადმყოფოებისა და მედიკამენტების გარეშე. მაგრამ სასწაულები ამით არ მთავრდება! საფირი პატრონის ცხოვრებაში ძალიან უჩვეულოდ გამოჩნდა. სწორედ ამას უწოდებენ – „ბედს“. ”მე ყოველთვის ვიცოდი, რომ საფირი განსაკუთრებული იყო”, – განუცხადა ქალმა Echo-ს ბრიტანულ გამოცემას. „მახსოვს, ერთ დილას გავიღვიძე და მივხვდი, რომ ძაღლი მჭირდებოდა. თუმცა ადრე მე და ჩემი ქმარი ამაზე არც კი ვფიქრობდით. ლივერპულიდან 150 კმ-ში სელექციონერი ვიპოვეთ და იმავე დღეს წამოვიყვანეთ. საფირმა თავად ამირჩია: სამი ლეკვიდან მხოლოდ ის მომიახლოვდა და ამის შემდეგ ერთი ნაბიჯითაც კი არ მომშორებია. ჩვენ ვიცოდით, რომ ჩვენი „გოგონა“ იყო.

”და შემდეგ,” – აღიარებს ტანია, ”ეს დაადასტურა მედიუმმაც, რომელმაც ერთხელ გვესტუმრა. ახლაც მახსოვს მისი სიტყვები: ”ის შენთან გამოგზავნეს, ის შენს ცხოვრებაში კონკრეტული მიზნითაა.“ მოგვიანებით შევამჩნიეთ, რომ დაბადების თარიღად, საფირონის პასპორტში, მითითებულია 2012 წლის 13 დეკემბერი. და ეს ის დღეა, როცა მამაჩემი გარდაიცვალა. ეს ერთგვარი სასწაულია.” „საფირი ძალიან, ძალიან ძვირფასია ჩემთვის, მან გადამარჩინა სიკვდილს. ახლა ყოველთვის ვამბობ, რომ თუ თქვენი, როგორც წესი, არც თუ ისე მოსიყვარულე შინაური ცხოველი, მოულოდნელად უფრო თბილი ხდება და მეტ ყურადღებას გაქცევთ, ის შესაძლოა რაღაცის თქმას ცდილობს. მთავარია მოსმენა და გაგება ვისწავლოთ.