არსებობს მოსაზრება, რომ ძაღლების გამოყენება მოშენებაში აუცილებელია, რადგან „კარგია ჯანმრთელობისთვის“. თუმცა, ეს ცნება არასწორია. ძაღლების მოშენება რთული პროცესია, რომელსაც გონივრულად უნდა მივუდგეთ. აუცილებელია თუ არა თქვენს ცხოველს ჰყავდეს შთამომავლობა?შეჯვარების პროცესისა და შთამომავლობის გაჩენის, ერთი შეხედვით, ბუნებრიობის მიუხედავად, შეჯვარება არ არის მიზანშეწონილი ყველა ცხოველისთვის. გამართლებულია მაშინ, თუ თქვენი შინაური ცხოველი იდეალური ექსტერიერის, კარგი მემკვიდრეობის და შესანიშნავი ჯანმრთელობის მაგალითია. ასეთი წარმომადგენლები მოთხოვნილია ჯიშის ხარისხის გაუმჯობესებისთვის. წინააღმდეგ შემთხვევაში, არსებობს ავადმყოფი ლეკვების დაბადების და ძაღლის ჯანმრთელობის გაუარესების რისკი. რა მითები გვხვდება გამოუცდელ სელექციონერებში?
მითი 1. შეჯვარება აუცილებელია მდედრის ჯანმრთელობისთვის
ორსულობა, მშობიარობა და კვება – სტრესია ძაღლის ორგანიზმისთვის. უფრო მეტიც, ამ პროცესების ფონზე შეიძლება მოხდეს ცხოველის ამჟამინდელი დაავადებების გამწვავება და ახლის გაჩენა. განსაკუთრებით იმ შემთხვევებში, როდესაც სხვა ძაღლის პატრონმა არ ჩაუტარა თავის შინაურ ცხოველს სრული გამოკვლევა, სქესობრივი გზით გადამდები დაავადებების არსებობაზე.
მეორე მნიშვნელოვანი პუნქტი დაკავშირებულია პატრონის სურვილთან, მხოლოდ ერთხელ შეაჯვაროს მდედრი, რათა უბრალოდ იმშობიაროს “ჯანმრთელობისთვის”. თუმცა, როგორც წესი, ეს არ მატებს მათ ჯანმრთელობას. მთელი ცხოვრების განმავლობაში ორსული და არაორსული მდედრები გადიან ციკლის ერთსა და იმავე ეტაპებს, ვინაიდან ოვულაცია ძაღლებში სპონტანურია. მაშასადამე, ასაკთან ერთად, რეპროდუქციული სისტემის დაავადებების რისკი ერთნაირია მეცხოველეობაში გამოყენებულ მდედრებსა და ძაღლებში, რომლებსაც არასოდეს უმშობიარიათ. ერთჯერადი ან მრავალჯერადი ორსულობა არ არის პროფილაქტიკის ზომა.
მითი 2. შეჯვარება აუცილებელია მამრის ჰარმონიული განვითარებისთვის
არსებობს მოსაზრება, რომ „დაუკმაყოფილებელ“ მამრს ფიზიკურ განვითარებასთან დაკავშირებული პრობლემები აქვს. ეს მცდარი წარმოდგენაა: ძაღლის გარეგნობაზე გავლენას ახდენს გენეტიკა, კვება და სწორად შერჩეული ფიზიკური ვარჯიშები და არა სექსუალური ცხოვრების არსებობა ან არარსებობა.
კიდევ ერთი გავრცელებული არგუმენტი სექსუალური აქტივობის დაწყების სასარგებლოდ, არის მამრებში ონკოლოგიის განვითარების რისკი, რომელიც, სავარაუდოდ, დაკავშირებულია სპერმის დაგროვებასთან. ნებისმიერი ვეტერინარი გეტყვით, რომ ის მუდმივად ახლდება, მიუხედავად იმისა პარტნიორი ჰყავს თუ არა.
როგორც მდედრების შემთხვევაში, მამრი მხოლოდ ერთხელ არ უნდა შეაჯვაროთ. ძაღლი დაიმახსოვრებს ამ პროცესს და მუდმივად დასჭირდება სექსუალური პარტნიორი. ასეთის არარსებობის შემთხვევაში კი, ცხოველის ხასიათი, სავარაუდოდ, გაუარესდება და ძაღლი ნაკლებად მართვადი გახდება.
ცხოველის შეჯვარება პასუხისმგებლიანი პროცესია, რომელსაც გონივრულად უნდა მიუდგეთ. თუ თქვენი შინაური ცხოველი ჯიშის ღირსეული წარმომადგენელია, თავისუფლად მოძებნეთ შესაფერისი პარტნიორი. თუმცა, თუ თქვენი შინაური ცხოველი დოკუმენტების გარეშეა, აღენიშნება ექსტერიერული ხარვეზები ან აქვს ჯანმრთელობის პრობლემები, არ ღირს მისი შეჯვარება. გადაწყვეტილების მიღებამდე გაიარეთ კონსულტაცია სელექციონერთან და ვეტერინართან, შეაფასეთ დადებითი და უარყოფითი მხარეები და შემდეგ იპოვით საუკეთესო გამოსავალს თქვენთვის და თქვენი შინაური ცხოველისთვის.
Leave your comment