რამდენი წლისაა ძაღლი ადამიანის საზომით?

ლეკვები და ბავშვები

ცნობილია, რომ ლეკვი გაცილებით სწრაფად იზრდება, ვიდრე ბავშვი. ახალგაზრდა შინაური ცხოველი იწყებს მყარ საკვებზე გადასვლას 3-4 კვირის ასაკში და ბავშვი ამისთვის მზად არის დაახლოებით 4 თვისა. 10 კვირის ასაკში ლეკვი უკვე მოზარდად ითვლება. ჩვენს ცხოვრებაში შესაბამისი პერიოდი 12 წლიდან იწყება.

საინტერესოა ძაღლისა და ადამიანის შედარება კბილების მომწიფებით. სარძევე კბილები ლეკვს დაბადებიდან 20 დღის შემდეგ ამოსდის, ბავშვებში კი ეს პროცესი ექვსი თვის შემდეგ იწყება. 10 თვის ასაკში ძაღლს მუდმივი კბილები სრულად უყალიბდება, ადამიანში კი ეს პროცესი 18-25 წლამდე მთავრდება.

მოზრდილი

ორი წლის ძაღლი უკვე შედის ზრდასრულ ასაკში, რაც დაახლოებით შეესაბამება ჩვენს ახალგაზრდულ პერიოდს – 17-21 წელი. ითვლება, რომ სიცოცხლის მომდევნო სამი წლის განმავლობაში ცხოველი მწიფდება და მეხუთე წლიას მას უკვე სიცოცხლის საუკეთესო პერიოდი აქვს. თითქმის იგივენაირად, როგორც ჩვენ ვართ 40 წლის ასაკში. თუმცა, ჩვენი სტანდარტებით, ეს აყვავების პერიოდი დიდხანს არ გრძელდება – უკვე რვა წლის ასაკში ძაღლი ახალ ეტაპზე გადადის.

პენსიონერები

8 წლის მიღწევის შემდეგ ძაღლი დაბერებულად ითვლება. მის სხეულში ასაკთან დაკავშირებული ცვლილებები ძლიერდება, ორგანიზმის ადეკვატური იმუნური რეაქცია მცირდება და ორგანოების ფუნქციები თანდათან ითრგუნება. ადამიანებში მსგავსი პერიოდი იწყება 55-60 წლიდან.

ადამიანის სიცოცხლის საშუალო ხანგრძლივობა, განურჩევლად სქესისა, 70 წელია. თუმცა, რატომ ვივიწყებთ უფრო დიდხანს მცხოვრებლებსაც? თუ გამოვტოვებთ ადამიანთა რეკორდსმენებს, რომელთა ასაკი 100 წელს აჭარბებს, დიდხანს მცხოვრებელ ადამიანებს შორის არიან ისეთებიც, რომელთა ასაკმა 90 წელს გადააჭარბა. ძაღლებს შორის 20 წელზე უფროსი ცხოველები ითვლებიან დიდხანს მცხოვრებლებად. გინესის მსოფლიო რეკორდების წიგნში დაფიქსირებული რეკორდია – 29 წელი და 5 თვე: ავსტრალიური ჰილერი, სახელად ბლუი, როჩესტერიდან (ავსტრალია). იგი დაიბადა 1910 წელს და ცხოვრობდა ცხვრის ფერმაში 20 წლის განმავლობაში, 1939 წელს გარდაიცვალა სიბერით. ბიგლი, სახელად ბუჩი, აშშ-დან (28 წელი), უელსის კოლი – ტეფი (27 წელი) და ბორდერ-კოლი, სახელად ბრემბლი (ასევე 27 წელი) დიდი ბრიტანეთიდან.